Enable Javscript for better performance
முல்லைப் பெரியாறு அணையில் இருந்து பாசனத்திற்கு கூடுதல் நீர்திறக்க விவசாயிகள் எதிர்ப்பு- Dinamani

சுடச்சுட

    

    முல்லைப் பெரியாறு அணையில் இருந்து பாசனத்திற்கு கூடுதல் நீர்திறக்க விவசாயிகள் எதிர்ப்பு

    Published on : 28th January 2015 05:38 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    mullai_periyar_dam

    முல்லைப் பெரியாறு அணையின் நீர் மட்டம் வேகமாக குறைந்து வருகிறது. கம்பம் தேக்கடி, குமுளி, உள்பட பெரியாறு அணையின் நீர்பாசன பகுதிகளில் சுத்தமாக மழையில்லை. தற்போது கம்பம் பள்ளத்தாக்கு பகுதியில் உள்ள 14 707 ஏக்கர் நிலத்தில் முதல் போக அறுவடை பணிகள் முடிந்துள்ளன.

     கம்பம், கூடலூர், சுருளிபட்டியில் 2–ம் போக சாகுபடி நடக்கிறது. அங்கு நெற்கதிர் பால்பிடிக்கும் பருவத்தில் உள்ளது.  அதேநேரத்தில்  இதனையடுத்து உள்ள மார்க்கையன்கோட்டை, உத்தமபாளையம், சின்னமனூர் ஆகிய பகுதிகளில் நடவு நட்டு 30 நாட்கள் ஆகிறது. இதயைடுத்துள்ள பகுதிகளான கோட்டூர், வீரபாண்டி, பழனிசெட்டி பட்டி ஆகிய பகுதிகளில் தற்போது நடவுப்பணிகள் நடந்து வருகின்றன. இந் நிலையில் முல்லை பெரியாறு அணையில் இருந்து தற்போது 900 கனஅடி வீதம் தண்ணீர் திறந்துவிடப்படுகிறது.

    2ம் போக பருவத்திற்கே வரும் மார்ச் மாதம் வரை தண்ணீர் தேவைப்படும் சூழலில் பெரியாறு அணையில் இருந்து 900 கனஅடி தண்ணீர் திறந்துவிடப்படுகிறது. மழை நின்றுவிட்ட இந்த தருணத்தில் தொடர்ந்து 900 கனஅடி நீர் திறந்து விடப்படுவது விவசாயிகளிடையே அதிர்ச்சியை ஏற்படுத்தியுள்ளது. 

    இந்நிலையில் விவசாயிகள் சங்கதலைவர் தர்வேஸ் மைதீன் தலைமையில் செயலாளர் நாராயணன், முன்னாள் எம்.எல்.ஏ பொன்னுப்பிள்ளை முன்னிலையில் இன்று உத்தம பாளையம் பைபாஸ் சாலையில் சாலைமறியல் போராட்டம் நடைபெற்றது, இவர்களிம் பொதுப்பணித்துறை செயற் பொறியாளர் பால முருகன் மற்றும் போலீஸார் பேச்சு வார்த்தை நடத்தி சமாதானம் செய்ததையடுத்து மறியல் கைவிடப்பட்டது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai