சுடச்சுட

    

    பேரவை நியமன உறுப்பினராக நான்சி ஆன் சிந்தியா நியமனம்

    By  சென்னை,  |   Published on : 31st May 2016 12:57 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    15

    தமிழக சட்டப் பேரவையின் நியமன உறுப்பினராக, நான்சி ஆன் சிந்தியா பிரான்சிஸ் மீண்டும் நியமிக்கப்பட்டுள்ளார். கேரள மாநிலம் ஆலப்புழையைச் சேர்ந்தவர் நான்சி. 1955-ஆம் ஆண்டு மே 4-ஆம் தேதி பிறந்தார். எம்.பி.பி.எஸ். படித்த அவர், மதுரையில் மருத்துவராகப் பணியாற்றி வந்தார். இந்த நிலையில், 14-வது சட்டப் பேரவையில் நியமன உறுப்பினராக நான்சி ஆன் சிந்தியா பிரான்சிஸ் நியமிக்கப்பட்டு பணியாற்றி வந்தார். புதிய 15-ஆவது சட்டப் பேரவைக்கும் அவரே நியமன உறுப்பினராக அறிவிக்கப்பட்டுள்ளார்.
     ஒவ்வொரு சட்டப் பேரவையிலும், ஆங்கிலோ-இந்தியரான ஒருவர் நியமன உறுப்பினராக நியமிக்கப்படுவர். இந்த நிலையில், புதிய 15-ஆவது சட்டப் பேரவையின் நியமன உறுப்பினருக்கான அறிவிப்பை தலைமைத் தேர்தல் அதிகாரி ராஜேஷ் லக்கானி திங்கள்கிழமை வெளியிட்டார்.
     ஆளுநரின் பரிந்துரையை ஏற்று, நான்சி ஆன் சிந்தியா பிரான்சிஸ் நியமிக்கப்படுவதாக அவர் தனது அறிவிப்பில் தெரிவித்துள்ளார்.
     அனைத்திந்திய ஆங்கிலோ-இந்தியன் கூட்டமைப்பின் மதுரை கிளை தலைவராக சிந்தியா பிரான்சிஸ் செயல்பட்டு வருகிறார். மதுரையில் உள்ள ஞானஒளிபுரத்தில் வசித்து வருகிறார்.
     கடந்த 1976-ஆம் ஆண்டில் மக்களவை, சட்டப் பேரவை தொகுதிகள் மறுவரையறை செய்யப்பட்டன. அப்போது, ஆங்கிலோ-இந்தியன் சமூகத்தில் இருந்து ஒருவரை நியமன உறுப்பினராகச் சேர்க்க ஆளுநரால் உத்தரவு பிறப்பிக்கப்பட்டது. இந்த உத்தரவே இப்போது வரை செயல்பாட்டில் உள்ளது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai