மத்திய அமைச்சர் அனில் மாதவ் தவே மறைவு: மு.க. ஸ்டாலின் இரங்கல்

மத்திய அமைச்சர் அனில் மாதவ் தவே மறைவிற்கு திமுக செயல் தலைவரும், எதிர்க்கட்சித் தலைவருமான மு.க. ஸ்டாலின் இரங்கல் தெரிவித்துள்ளார். 

இதுதொடர்பாக அவர் இன்று வெளியிட்டுள்ள இரங்கல் செய்தியில்,

மத்திய சுற்றுப்புறச்சூழல் துறை அமைச்சர் அனில் மாதவ் தவே திடீரென்று இறந்த செய்தி கேட்டு அதிர்ச்சி அடைந்தேன். அவரது மறைவிற்கு ஆழ்ந்த இரங்கலை தெரிவித்துக் கொள்ளும் அதேநேரத்தில், அவரை இழந்துவாடும் அவரது குடும்பத்தினருக்கும், அமைச்சரவை சகாக்களுக்கும், பிரதமருக்கும் எனது ஆறுதலையும் தெரிவித்து கொள்கிறேன். 

நாட்டின் இயற்கை வளங்களில் அதிக அக்கறை செலுத்தி, திறமையாக பணியாற்றியுள்ள அமைச்சர் அவர்களின் மறைவு நாட்டிற்குப் பேரிழப்பாகும். இவ்வாறு அவர் கூறியுள்ளார்.