Enable Javscript for better performance
செயற்கைக்கோளுக்கான லித்தியம்-அயன் பேட்டரி உற்பத்தி: " பெல்' நிறுவனத்துடன் இஸ்ரோ ஒப்பந்தம்- Dinamani

சுடச்சுட

    

    செயற்கைக்கோளுக்கான லித்தியம்-அயன் பேட்டரி உற்பத்தி: " பெல்' நிறுவனத்துடன் இஸ்ரோ ஒப்பந்தம்

    By  சென்னை  |   Published on : 24th March 2018 12:46 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    செயற்கைக்கோள்கள் மற்றும் அவற்றை ஏவுவதற்கான இயந்திரங்களில் பயன்படுத்தக்கூடிய லித்தியம்-அயன் பேட்டரிகளை உற்பத்தி செய்வதற்கான தொழில்நுட்ப பரிமாற்ற ஒப்பந்தம், இந்திய விண்வெளி ஆராய்ச்சி நிறுவனத்துக்கும் (இஸ்ரோ), திருச்சி "பெல்' நிறுவனத்துக்கும் இடையே மேற்கொள்ளப்பட்டுள்ளது.
     பெங்களூரு இஸ்ரோ தலைமை அலுவலகத்தில் வியாழக்கிழமை நடைபெற்ற நிகழ்ச்சியில் இஸ்ரோ தலைவர் சிவனும், பெல் நிறுவனத் தலைவர் அதுல் சோப்தியும் இந்த ஒப்பந்தத்தில் கையெழுத்திட்டனர்.
     இதுகுறித்து இஸ்ரோ வெள்ளிக்கிழமை வெளியிட்ட செய்தி:
     செயற்கைக்கோள்களிலும், அவற்றை ஏவுவதற்கான இயந்திரத்திலும் லித்தியம்-அயன் பேட்டரிகள் பயன்படுத்தப்படுகின்றன. உயர் சக்தி கொண்ட இந்த பேட்டரிகள், செயற்கைக்கோள்கள் நீண்ட காலம் இயங்குவதற்கு உதவுகின்றன. இவை திருவனந்தபுரத்தில் அமைந்துள்ள இஸ்ரோவின் விக்ரம் சாராபாய் விண்வெளி ஆராய்ச்சி மையத்தில் உருவாக்கப்பட்டு, பல்வேறு கட்ட சோதனைகளும் வெற்றிகரமாக நடத்திமுடிக்கப்பட்டுள்ளன. இதையடுத்து, இந்த பேட்டரிகளை செயற்கைக்கோள்களிலும், செயற்கைக்கோள்களை ஏவும் இயந்திரங்களிலும் பயன்படுத்த இஸ்ரோ முடிவு செய்துள்ளது. இந்த பேட்டரிகளை திருச்சியில் உள்ள பெல் நிறுவனம் மூலம் பெருமளவில் உற்பத்தி செய்ய முடிவு செய்யப்பட்டு, அதற்கான தொழில்நுட்ப பரிமாற்ற ஒப்பந்தத்தை இஸ்ரோ மேற்கொண்டுள்ளது என அதில் தெரிவிக்கப்பட்டுள்ளது.
     
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai