Enable Javscript for better performance
நீதிமன்றத்தில் போலி ஆவணங்கள் தாக்கல் செய்ததாக நடிகர் தனுஷுக்கு எதிரான மனு தள்ளுபடி- Dinamani

சுடச்சுட

    

    நீதிமன்றத்தில் போலி ஆவணங்கள் தாக்கல் செய்ததாக நடிகர் தனுஷுக்கு எதிரான மனு தள்ளுபடி

    By  மதுரை,  |   Published on : 24th March 2018 01:08 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    dhanush

    நீதிமன்றத்தில் போலி ஆவணங்கள் தாக்கல் செய்ததாக திரைப்பட நடிகர் தனுஷுக்கு எதிராகத் தாக்கல் செய்யப்பட்ட மனுவைத் தள்ளுபடி செய்து, சென்னை உயர்நீதிமன்ற மதுரைக் கிளை வெள்ளிக்கிழமை உத்தரவிட்டது.
     நடிகர் தனுஷ் தங்களது மகன் எனக் கூறி தங்களுக்கு மாதம்தோறும் பராமரிப்பு தொகை வழங்க வேண்டும் என மதுரை மாவட்டம் மேலூரைச் சேர்ந்த கதிரேசன்- மீனாட்சி தம்பதியினர் மேலூர் நீதிமன்றத்தில் வழக்குத் தொடர்ந்தனர். இந்த வழக்கை ரத்து செய்யக் கோரி தனுஷ் தரப்பில் சென்னை உயர்நீதிமன்ற மதுரைக் கிளையில் வழக்குத் தொடரப்பட்டது. வழக்கு விசாரணையின்போது இருதரப்பிலும் தனுஷ் யாருடைய மகன் என்பதற்கான பிறப்புச் சான்று, கல்விச் சான்று உள்ளிட்ட பல்வேறு ஆவணங்கள் தாக்கல் செய்யப்பட்டன. பின்னர் விசாரணையின் முடிவில், மேலூர் நீதிமன்றத்தில் தொடரப்பட்ட வழக்கை ரத்து செய்து 2017 மார்ச்சில் உயர்நீதிமன்ற மதுரைக் கிளை உத்தரவிட்டது.
     இதையடுத்து நடிகர் தனுஷ் தரப்பில் நீதிமன்றத்தில் போலியான ஆவணங்கள் தாக்கல் செய்யப்பட்டதாகக் கூறி மதுரை மாநகரக் காவல் ஆணையர் அலுவலகத்தில் கதிரேசன் புகார் அளித்தார். பின்னர் உயர்நீதிமன்ற மதுரைக் கிளையிலும் மனு தாக்கல் செய்தார். அதில், நீதிமன்றத்தில் தனுஷ் தரப்பில் தாக்கல் செய்யப்பட்டவை போலி ஆவணங்கள் என்றும், அவர் மீது சட்டப்படி நடவடிக்கை எடுக்க வேண்டும் என்றும் குறிப்பிட்டிருந்தார்.
     இந்த மனு நீதிபதி பி.ராஜமாணிக்கம் முன் வெள்ளிக்கிழமை விசாரணைக்கு வந்தது. மனுதாரர் குறிப்பிட்டுள்ள குற்றச்சாட்டுகள் தொடர்பான சம்பவங்கள் அனைத்தும் நீதிமன்றத்துக்கு வெளியில் நடந்துள்ளவை. ஆகவே, இதுதொடர்பாக நீதிமன்றம் விசாரிக்கத் தேவையில்லை. வேண்டுமெனில் மனுதாரர் சிவில் நீதிமன்றத்தை அணுகலாம் எனக் கூறி மனுவைத் தள்ளுபடி செய்து உத்தரவிட்டார்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai