Enable Javscript for better performance
மீனவர்களுக்கான வழிகாட்டி செயலி ஏப்ரலில் தயார்: இஸ்ரோ தலைவர் சிவன் தகவல்- Dinamani

சுடச்சுட

    

    மீனவர்களுக்கான வழிகாட்டி செயலி ஏப்ரலில் தயார்: இஸ்ரோ தலைவர் சிவன் தகவல்

    By  சென்னை,  |   Published on : 24th March 2018 03:27 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    shivan

    மீனவர்களுக்கான வழிகாட்டி செயலி வருகிற ஏப்ரல் மாதத்தில் தயாராகிவிடும் என இந்திய விண்வெளி ஆராய்ச்சி மைய (இஸ்ரோ) தலைவர் சிவன் கூறினார்.
     சென்னை விமான நிலையத்தில் செய்தியாளர்களிடம் வெள்ளிக்கிழமை அவர் அளித்த பேட்டி: மீனவர்கள் கடலில் இருக்கும் போது, அவர்கள் பாதுகாப்பாக இருப்பதற்கான கருவி ஒன்றை, இஸ்ரோ தயாரித்துள்ளது. அந்தக் கருவியால், எந்தத் திசையில் சென்றால், நிறைய மீன்கள் கிடைக்கும்; கடலின் தன்மை உள்ளிட்டவற்றை அறிந்து கொள்ளலாம்.
     இது செல்லிடப்பேசி செயலி வடிவில் உருவாக்கப்பட்டுள்ளது.
     வரும் ஏப்ரலில் இந்தச் செயலி தயாராகிவிடும். முதல் கட்டமாக தமிழகம், கேரள மீனவர்களுக்கு இந்த செயலி வழங்கப்படும்.
     நிலவை ஆய்வு செய்ய அனுப்பப்பட உள்ள சந்திரயான்-2 விண்கலம், ஏப்ரல் மாத இறுதியில் விண்ணில் செலுத்த முதலில் திட்டமிடப்பட்டிருந்தது.
     ஆனால், விண்கலத்தில் மேலும் சில சோதனைகளை மேற்கொள்ளப்பட வேண்டியுள்ளது.
     இதனால், ஏப்ரலில் விண்ணில் செலுத்த முடியாத நிலை ஏற்பட்டுள்ளது. சோதனைகள் முடிக்கப்பட்டு அக்டோபரில்தான் விண்கலம் விண்ணில் செலுத்தப்படும் என்றார் சிவன்.
     
     
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai