மதுரை: மதுரையில் எய்ம்ஸ் மருத்துவமனைக்கான கட்டுமானப் பணிகள் எப்போது தொடங்கும் என்று மத்திய சுகாதாரத் துறைக்கு உயர் நீதிமன்ற மதுரைக் கிளை கேள்வி எழுப்பியுள்ளது.
மதுரை மாவட்டம் தோப்பூரில் எய்ம்ஸ் மருத்துவமனை அமையும் என்று மத்திய அரசு அறிவித்திருந்தது.
அது தொடர்பான வழக்கு மதுரைக் கிளையில் இன்று விசாரணைக்கு வந்தது. அப்போது, மதுரையில் எய்ம்ஸ் மருத்துவமனை அமைப்பதற்கான கட்டுமானப் பணிகள் எப்போது தொடங்கும்? என்று நீதிபதி கேள்வி எழுப்பினார்.
கட்டுமானப் பணிகள் எப்போது தொடங்கும் என்றும், இதுவரை நடைபெற்ற பணிகள் குறித்தும் அறிக்கை தாக்கல் செய்யவும் மத்திய சுகாதாரத் துறை செயலருக்கு உயர் நீதிமன்ற மதுரைக் கிளை உத்தரவிட்டுள்ளது.
இது குறித்து டிசம்பர் 6ம் தேதி பதில் அறிக்கை தாக்கல் செய்ய மதுரைக் கிளை தனது உத்தரவில் குறிப்பிட்டுள்ளது.