தேர்தல் நெருங்க நெருங்க காட்சிகள் மாறும்: மு. தம்பிதுரை

மக்களவைத் தேர்தல் நெருங்க நெருங்க காட்சிகள் மாறும் என்றார் மக்களவை துணைத் தலைவர் மு. தம்பிதுரை. 
திருச்சி மாவட்டம் மணப்பாறை அடுத்த வையம்பட்டி ஒன்றிய பகுதிகளான அமையபுரம், நல்லாம்பிள்ளை, அணியாப்பூர் உள்ளிட்ட 19 ஊராட்சிகளைச் சேர்ந்த 48 கிராமங்களில் திங்கள்கிழமை 2 ஆம் கட்ட மக்கள் சந்திப்பு பயணத்தின்போது அவர் மேலும் கூறியது:  
ஸ்டாலின் தான் தளபதி என்றும், வைகோ போர்வாள் எனக் கூறியதற்கு கூட்டணி தொகுதி ஒதுக்கீட்டுக்கு பிறகு, போர்வாள், தளபதி இருப்பார்களா எனத் தெரியும். 
பாஜக மிரட்டி கூட்டணி வைத்துள்ளதாக சிதம்பரம் கூறியதற்கு, மத்திய அரசு அவர் மீது எடுத்துள்ள நடவடிக்கையால் பேசுகிறார். கமலுக்கு வாழ்த்து சொல்லிய ரஜினி குறித்து பேசுகையில் ரஜினி அனைவருக்கும் வாழ்த்து சொல்லுவார். 
மேலும் பாஜக, அதிமுக கூட்டணியில் தலைமை யார் என்ற கேள்விக்கு, கூட்டணியின் தலைமை குறித்து போகப்போகத் தெரியும். கூட்டணி தலைமை என்பது மாநிலத்திற்கு மாநிலம் மாறும்.
இங்கு அதிமுக கூட்டணியில் கட்சிகள் ஒருங்கிணைக்கப்பட்டு வருகிறது. தேர்தல் நெருங்க நெருங்க காட்சிகள் மாறும் என்றார்.