முட்டை விலை மாற்றமின்றி ரூ.3.70-ஆக நீடிப்பு

நாமக்கல் மண்டலத்தில் முட்டை விலை மாற்றமின்றி ரூ.3.70-ஆக நீடிக்கிறது.
பிற மண்டலங்களின் விலை உயர்வு சரிவை சுட்டிக்காட்டி, நாமக்கல் மண்டல தேசிய முட்டை ஒருங்கிணைப்புக் குழுவானது வாரந்தோறும் முட்டைக்கான பண்ணைக் கொள்முதல் விலை அறிவிப்பை வெளியிட்டு வருகிறது.
 நாமக்கல்லில் திங்கள்கிழமை அதன் தலைவர் மருத்துவர் பி.செல்வராஜ் தலைமையில் நடைபெற்ற கூட்டத்தில், தற்போதைய நிலையில் முட்டை விலையில் எவ்வித மாற்றமும் செய்ய வேண்டாம் என பண்ணையாளர்கள் தரப்பில் வலியுறுத்தப்பட்டது. அதனைத் தொடர்ந்து, முட்டையின் பண்ணைக் கொள்முதல் விலை மாற்றமின்றி ரூ.3.70-ஆக நீடிக்கும் என அறிவிக்கப்பட்டது.
பிற மண்டலங்களில் முட்டை விலை விவரம் (காசுகளில்): ஹைதராபாத்-328, விஜயவாடா-338, பார்வாலா-300, மைசூரு-367, ஹோஸ்பெட்-325,  சென்னை-375, மும்பை-381, பெங்களூரு-360, கொல்கத்தா-391, தில்லி-315.
இதேபோல், பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில், கறிக்கோழி கிலோ ரூ.77-ஆக நிர்ணயிக்கப்பட்டது.