சுடச்சுட

    

    குரூப் 4: தேர்வுக்கூட நுழைவுச் சீட்டு கிடைக்காதோருக்கு இன்று கடைசி வாய்ப்பு

    By DIN  |   Published on : 28th August 2019 01:40 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!


    குரூப் 4 தேர்வினை எழுத விண்ணப்பித்த தேர்வர்களுக்கு தேர்வுக்கூட நுழைவுச் சீட்டு கிடைக்காவிட்டால் அதற்கான முறையீட்டுக்கு விண்ணப்பிக்க புதன்கிழமை கடைசி வாய்ப்பாகும். 
    இதுகுறித்து, டி.என்.பி.எஸ்.சி. வெளியிட்ட அறிவிப்பு:-
    குரூப் 4 தேர்வுக்கு சுமார் 13 லட்சத்துக்கும் அதிகமானோர் விண்ணப்பித்துள்ளனர். அவர்களுக்கான தேர்வுக்கூட நுழைவுச் சீட்டு, தேர்வாணைய இணையதளத்தில் (www.tnpscexams.in)  கடந்த 22-ஆம் தேதி வெளியிடப்பட்டது. தேர்வுக்கூட நுழைவுச் சீட்டு கிடைக்கப் பெறாதவர்கள், தேர்வாணைய மின்னஞ்சல் (contacttnpsc@gmail.com) முகவரிக்கு உரிய விவரங்களை அனுப்ப வேண்டும். விண்ணப்பதாரர் பெயர், விண்ணப்ப பதிவு எண், தேர்வுக் கட்டணம், கட்டணம் செலுத்திய இடம், வங்கிக் கிளை அல்லது அஞ்சலக முகவரி ஆகிய விவரங்களைக் குறிப்பிட்டு மின்னஞ்சலுக்கு அனுப்ப வேண்டும். புதன்கிழமைக்குப் பிறகு (ஆக.28) பெறப்படும் கோரிக்கைகளின் மீது எந்தவித நடவடிக்கையும் எடுக்கப்படாது என்று டி.என்.பி.எஸ்.சி. தெரிவித்துள்ளது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai