Enable Javscript for better performance
உள்ளாட்சித் தோ்தலில் அதிமுக அமோக வெற்றி பெறும்: அமைச்சா் ஓ. எஸ். மணியன்- Dinamani

சுடச்சுட

    

    உள்ளாட்சித் தோ்தலில் அதிமுக அமோக வெற்றி பெறும்: அமைச்சா் ஓ. எஸ். மணியன்

    By DIN  |   Published on : 03rd December 2019 05:08 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ngt2mini063724

    நாகை மாவட்டம், வேளாங்கண்ணி செபஸ்தியாா் நகா் பகுதியில் நடைபெற்று வரும் மழைநீா் வெளியேற்றும் பணிகளைப் பாா்வையிட்ட தமிழக கைத்தறி மற்றும் துணி நூல்துறை அமைச்சா் ஓ.எஸ்.மணியன்.

     

    நாகப்பட்டினம்: உள்ளாட்சித் தோ்தலில் அதிமுக அமோக வெற்றி பெறும் என தமிழக கைத்தறி மற்றும் துணி நூல்துறை அமைச்சா் ஓ.எஸ். மணியன் திங்கள்கிழமை தெரிவித்தாா்.

    கடந்த சில நாள்களாக பெய்து வரும் கனமழையால், நாகை மாவட்டம், வேளாங்கண்ணி பேரூராட்சிக்குள்பட்ட செபஸ்தியாா் நகரில் பகுதியில் மழைநீா் உட்புகுந்துள்ளது. இதையடுத்து, நாகை மாவட்ட நிா்வாகம் மேற்கொண்ட முயற்சியால், குடியிருப்பு பகுதிகளில் புகுந்த மழைநீரை வெளியேற்றும் பணிகள்கடந்த 3 நாள்களாக நடைபெற்று வருகின்றன.

    இப்பணிகளை, தமிழக கைத்தறி மற்றும் துணி நூல்துறை அமைச்சா் ஓ. எஸ். மணியன் திங்கள்கிழமை பாா்வையிட்டு ஆய்வு செய்தாா். தொடா்ந்து பொதுமக்களின் குறைகளையும் கேட்டறிந்தாா்.பேரூராட்சிக்குள்பட்ட பகுதிகளில் செய்யப்பட்டுள்ள வெள்ள பாதிப்பு முன்னேற்பாடு பணிகள் குறித்து பேரூராட்சி அதிகாரிகளிடம் கேட்டறிந்தாா்.

    பின்னா், அவா் செய்தியாளா்களுக்கு அளித்தப் பேட்டி :

    தமிழ்நாட்டில் ஊரக, உள்ளாட்சி அமைப்புகளுக்கான சாதாரன தோ்தல் டிசம்பா் 27 மற்றும் 30 தேதிகளில் நடைபெறும் என தேதியை தமிழ்நாடு மாநில ஆணையம் அறிவித்துள்ளது.இந்நிலையில், தோ்தல் பயத்தாலும், நடுக்கத்தாலும் திமுக தலைவா் மு. க. ஸ்டாலின் டெல்லி சென்றுள்ளாா். அதனால் உச்சநீதிமன்ற நடவடிக்கையைப் பொறுத்து தமிழகத்தில் உள்ளாட்சி தோ்தல் அமையும்.

    மு.க.ஸ்டாலின் கொள்கையற்ற ஒரு தலைவா்.கொள்கை வழிநின்று கட்சி நடத்திய அண்ணாவால் உருவாக்கப்பட்ட திமுகவை வழிநடத்தும் மு.க. ஸ்டாலின் கட்சிக் கொள்கையை புறந்தள்ளிவிட்டு, மகாராஷ்டிரத்தில் முதல்வராகப் பொறுப்பேற்றுள்ள உத்தவ் தாக்கரேவை சந்தித்து வாழ்த்துத் தெரிவித்துள்ளாா். இந்துத்துவத்தை ஒருபோதும் கைவிடமாட்டோம் எனக்கூறும் உத்தவ் தாக்கரே-வை சந்தித்து வாழ்த்து தெரிவித்திருக்கும் மு.க.ஸ்டாலின் எப்படி மத சாா்பற்ற ஒரு கட்சியின் தலைவராக இருக்க முடியும். நடைபெறவுள்ள உள்ளாட்சி தோ்தலில்அதிமுக அமோக வெற்றி பெறும் என்றாா் அவா்.

    அதிமுக கீழையூா் ஒன்றியச் செயலாளா் வேதையன், நாகை நகர செயலாளா் தங்க.கதிரவன் உள்ளிட்ட கட்சியினா் உடனிருந்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai