காங்கிரஸ் கட்சியின் இடைக்காலத் தலைவர் சோனியா காந்தி இன்று தனது 73-ஆவது பிறந்தநாளை இன்று கொண்டாடுகிறார். இதையடுத்து பல்வேறு தலைவர்கள் அவருக்கு வாழ்த்து தெரிவித்து வரும் நிலையில், திமுக தலைவர் மு.க.ஸ்டாலினும் தனது வாழ்த்துக்களை தெரிவித்துள்ளார்.
இதுகுறித்து அவர் தனது ட்விட்டர் பக்கத்தில், 'காங்கிரஸ் தலைவர் சோனியா காந்திக்கு இனிய பிறந்தநாள் வாழ்த்துக்கள். உங்களது தலைமையின் கீழ், காங்கிரஸ் கட்சி நாட்டின் மதச்சார்பற்ற மற்றும் கூட்டாட்சி கட்டமைப்பு கொள்கைகளை பாதுகாப்பதில் முக்கியப் பங்காற்றியுள்ளது. உங்களது பொது சேவை இன்னும் பல ஆண்டுகள் தொடர வேண்டும் என்று விரும்புகிறேன்' என்று பதிவிட்டுள்ளார்.
இதுதவிர பல அரசியல் கட்சித் தலைவர்களும் சோனியாவுக்கு பிறந்தநாள் வாழ்த்து தெரிவித்து வருகின்றனர். இருப்பினும் ஹைதராபாத், உன்னாவ் உட்பட நாடு முழுவதும் பெண்களுக்கு எதிரான பாலியல் வன்கொடுமை மற்றும் படுகொலைகள் அதிகரித்து வருவதன் காரணமாக சோனியா, தனது பிறந்தநாளை கொண்டாடப்போவதில்லை என்று தெரிவித்தது குறிப்பிடத்தக்கது.