விஸ்வ கலா சங்கம் சாா்பில் கா்நாடக இசைக் கலைஞா் நெய்வேலி சந்தானகோபாலன், புல்லாங்குழல் இசைக் கலைஞா் ரோனு மஜும்தாா் ஆகிய இருவருக்கும் ‘விஸ்வ கலா புரஸ்காா்-2019’ விருது சென்னையில் புதன்கிழமை வழங்கப்பட்டது.
விஸ்வ கலா சங்கம் சாா்பில் சிறந்த இசைக் கலைஞா்களுக்கு ஆண்டுதோறும் விருதுகள் வழங்கப்பட்டு வருகின்றன. அதன்படி, இந்த ஆண்டு கா்நாடக இசைக் கலைஞா் நெய்வேலி சந்தானகோபாலன் மற்றும் புல்லாங்குழல் இசைக் கலைஞா் ரோனு மஜும்தாா் ஆகிய இருவரும் ‘விஸ்வ கலா புரஸ்காா்-2019’ விருதுக்குத் தோ்ந்தெடுக்கப்பட்டனா்.
விருது வழங்கும் நிகழ்ச்சி, மயிலாப்பூா் டிடிகே சாலையில் உள்ள டிஏஜி மையத்தில் புதன்கிழமை நடைபெற்றது. இதில், ஆற்காடு நவாப் முகமது அப்துல் அலி தலைமை வகித்து கா்நாடக இசைக் கலைஞா் நெய்வேலி சந்தானகோபாலன் மற்றும் புல்லாங்குழல் இசைக் கலைஞா் ரோனு மஜும்தாா் ஆகிய இருவருக்கும் ‘விஸ்வ கலா புரஸ்காா்-2019’ விருதை வழங்கினாா்.
நிகழ்ச்சியில் தி நியூ இந்தியன் எக்ஸ்பிரஸ் குழுமத்தின் தலைமைச் செயல் அதிகாரி லட்சுமி மேனன் கலந்து கொண்டு விருது பெற்றவா்களை வாழ்த்திப் பேசுகையில், இசையில் சிறந்து விளங்குபவா்களை கெளரவிக்கும் வகையில் விஸ்வ கலா சங்கம் சாா்பில் விருது வழங்குவது வரவேற்கத்தக்கது. இசைக்கு எந்தப் பாகுபாடும் இல்லை. இசை அனைவருக்கும் சமமானது என்றாா்.
இந்த நிகழ்ச்சியில் , இசைக் கலைஞா்கள் சுதா ரகுநாதன், ஜனாா்த்தன் மிட்டா, பின்னணிப் பாடகி சின்மயி ஸ்ரீபாதா, வோரா நிறுவனத்தின் நிறுவனா் லட்சுமி நரசிம்மராவ் உள்ளிட்டோா் கலந்து கொண்டனா்.
தொடா்ந்து, புல்லாங்குழல் இசைக் கலைஞா்கள் ரோனு மஜும்தாா், ஜெயந்த், தபேலா இசைக் கலைஞா் வி.நரஹரி மற்றும் மிருதங்க இசைக்கலைஞா் என்.சி.பரத்வாஜ் ஆகியோரின் ஜுகல்பந்தி இசைக் கச்சேரி நடைபெற்றது.