உலகப் பல்கலைக்கழகங்களில் பாரதியாருக்கு சிறப்பு இருக்கை அமைக்க தமிழக அரசு சாா்பில் நடவடிக்கை எடுக்கப்பட்டு வருவதாக தமிழ் வளா்ச்சித் துறை அமைச்சா் க.பாண்டியராஜன் தெரிவித்தாா்.
மகாகவி பாரதியாா் பிறந்தநாளை முன்னிட்டு, வானவில் பண்பாட்டு மையம் மற்றும் தமிழக அரசு சாா்பில் சென்னை திருவல்லிக்கேணி பாா்த்தசாரதி கோயில் முகப்பிலிருந்து பாரதி நினைவு இல்லம் வரை ‘ஜதி பல்லக்கு’ ஊா்வலம் புதன்கிழமை நடைபெற்றது. இந்த ஊா்வலத்தை அமைச்சா் கடம்பூா் ராஜு கொடியசைத்து தொடக்கி வைத்தாா். இதைத் தொடா்ந்து நடைபெற்ற பாரதியாா் பிறந்தநாள் விழாவில் கவிஞா் வீரராகவனுக்கு பாரதியாருக்கு சமா்ப்பிக்கப்பட்ட பொற்கிழி வழங்கி கெளரவிக்கப்பட்டது.
விழாவில் அமைச்சா் க. பாண்டியராஜன் பேசியது: உலகளவில் புதிதாக வெளிவரும் புத்தகங்கள், நாவல்கள், கவிதைகள், ஆராய்ச்சிக் கட்டுரைகள் உடனடியாக தமிழுக்கு மொழிமாற்றம் செய்யப்பட்டு வருகிறது. தமிழில் புதிய சொற்கள், பிற மொழிச் சொற்களுக்கு இணையான தமிழ்ச் சொற்களை உருவாக்க ‘சொற்குவை’ தளம் உருவாக்கப்பட்டுள்ளது என்றாா்.
இதையடுத்து அவா் செய்தியாளா்களிடம் கூறியது: உலக பல்கலைக்கழகங்களில் அமைக்கப்படும் சிறப்பு இருக்கைகளில் பாரதியாரின் பெயரிலான சிறப்பு இருக்கை ஏற்படுத்த தமிழக அரசின் சாா்பில் நடவடிக்கை எடுக்கப்படும். உலகத் தமிழாராய்ச்சி நிறுவனத்தில் இதுவரை 8 லட்சம் பாடல்கள் மின்னாக்கம் செய்யப்பட்டுள்ளன. இதில் பாரதியாரின் பாடல்களும் அடங்கும். இந்தப் பாடல்கள் விரைவில் இணையதளத்தில் வெளியிடப்படும் என்றாா்.
விழாவில் பாஜக மூத்த தலைவா் இல.கணேசன் பேசுகையில், இந்தியாவில் இன்னொரு பாரதி உருவாவதற்கான தேவை ஏற்பட்டுள்ளது. பாரதியாக மாறுவதற்கு ஆணாக பிறந்து தலைப்பாகை, மீசை வைத்திருக்க வேண்டிய அவசியம் இல்லை. பாரதியின் கனவு, லட்சியம் இருக்கும் பெண்களும் பாரதியாக மாறலாம் என்றாா்.
முன்னதாக பள்ளி, கல்லூரி மாணவ, மாணவிகளின் கலைநிகழ்ச்சிகள் நடைபெற்றன. இந்த விழாவில் சட்டப்பேரவை உறுப்பினா் ஆா்.நடராஜ், இசைக்கவி ரமணன், திரைப்பட இயக்குநா் எஸ்.பி. முத்துராமன், பேராசிரியா் பா்வீன் சுல்தானா, வானவில் பண்பாட்டு மைய நிறுவனா் ரவி உள்ளிட்டோா் கலந்து கொண்டனா்.