திமுக தோ்தலை சந்திக்கும் நிலைப்பாட்டை எடுக்க வேண்டும்: அமைச்சா் ஜெயக்குமாா்

இனியாவது உள்ளாட்சித் தோ்தலை திமுக தோ்தலை சந்திக்கும் நிலைப்பாட்டை எடுக்க வேண்டும் என்று அமைச்சா் டி.ஜெயக்குமாா் கூறியுள்ளாா்.

உள்ளாட்சித் தோ்தலை நடத்தலாம் என்று உச்சநீதிமன்றம் தீா்ப்பளித்துள்ள நிலையில், சென்னையில் நிருபா்களைச் சந்தித்து அமைச்சா் டி.ஜெயக்குமாா் பேசியது:

உள்ளாட்சித் தோ்தல் தொடா்பாக 2016-இல் அறிவிப்பாணை வெளியிடப்பட்டது. அப்போது, திமுக நீதிமன்றத்துக்குச் சென்றது. 2011 மக்கள் தொகை அடிப்படையில் தோ்தலை நடத்த வேண்டுமென நீதிமன்றம் உத்தரவிட்டது. இதைத் தொடா்ந்து, தொகுதி மறுவரையறை உள்ளிட்ட பணிகளை தோ்தல் ஆணையம் மேற்கொண்டது. இதுகுறித்த விவரங்களை தோ்தல் ஆணையம் உச்ச நீதிமன்றத்திலும் தெரிவித்தது. மறுவரையறை வாா்டு விவரங்கள் இணையதளத்திலும் வெளியிட்டது. இந்த நடவடிக்கைகளுக்கு உச்ச நீதிமன்றம் திருப்தி தெரிவித்தது.

முன்னாள் முதல்வா் ஜெயலலிதா இருக்கும்போது உள்ளாட்சித் தோ்தலைச் சந்திக்க திமுகவுக்கு தைரியம் இல்லை. உள்ளாட்சியில் நல்லாட்சி நடைபெறும் என்று இப்போது முதல்வா் பழனிசாமி அறிவித்தாா். தோ்தல் ஆணையமும் தோ்தலை நடத்தத் தயாராக இருக்கும் போது திமுக நீதிமன்றத்துக்குச் சென்றது. எப்படியாவது தோ்தலை தடுத்து நிறுத்த வேண்டுமென்ற அதன் முயற்சி பலன் அளிக்கவில்லை. இனியாவது திமுக தோ்தலை சந்திக்கும் நிலைப்பாட்டை எடுக்க வேண்டும் என்றாா் அமைச்சா் டி.ஜெயக்குமாா்.