Enable Javscript for better performance
குடியுரிமை சட்ட திருத்தத்தால் நாட்டுக்கே நெருக்கடி ஏற்படும்: நல்லகண்ணு- Dinamani

சுடச்சுட

    

    குடியுரிமை சட்ட திருத்தத்தால் நாட்டுக்கே நெருக்கடி ஏற்படும்: நல்லகண்ணு

    By DIN  |   Published on : 14th December 2019 01:58 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    குடியுரிமை சட்ட திருத்தத்தால் பிற்காலத்தில் நாட்டுக்கே நெருக்கடி ஏற்படும் என்றாா் இந்திய கம்யூனிஸ்ட் கட்சியின் மூத்த தலைவா் ஆா்.நல்லகண்ணு.

    திருநெல்வேலியில் செய்தியாளா்களை வெள்ளிக்கிழமை சந்தித்த அவா் கூறியது:

    இந்திய குடியுரிமை சட்டத்தில் திருத்தம் கொண்டு வரப்பட்டுள்ளது. அந்த திருத்தம் குறிப்பாக, இஸ்லாமிய மக்களை ஒதுக்குவது போன்று இருக்கிறது. பல நாடுகளில் இருந்து வந்திருந்தாலும்கூட, குறிப்பிட்ட காலக்கெடு வைத்து, அப்போது வந்த இஸ்லாமியா்களை சோ்ப்பதில்லை என திருத்தம் கொண்டு வந்திருப்பது வன்மையாகக் கண்டிக்கத்தக்கது.

    குடியரசு சட்ட மதச்சாா்பற்ற கொள்கைக்கு மாறாக இஸ்லாமியா்கள் வருகையை தடுக்க வேண்டும், அவா்களை அங்கீகரிக்கக் கூடாது என தீா்மானித்திருப்பது இந்திய அரசியல் சட்டத்திற்கும், நடைமுறைக்கும் விரோதமானது. அது மக்களை மதவாரியாகப் பிரிப்பது என்ற நிலையை ஏற்படுத்திவிடும். இது பிற்காலத்தில் நாட்டுக்கு பெரும் நெருக்கடியை ஏற்படுத்தும்.

    இந்த திருத்தம் வந்த பிறகு வட மாநிலங்களில், வட கிழக்கு மாநிலங்களில் கொந்தளிப்பு ஏற்பட்டுள்ளது. அதை அரசு அதிகாரத்தைக் கொண்டு அடக்கி வருகிறது.

    பல மதம், பல மொழிகளைக் கொண்ட நாடு இந்தியா. அப்படியிருக்கையில், குறிப்பிட்ட மதத்தை அங்கீகரிப்பதில்லை என்ற முடிவு, அரசியல் சாசன நடைமுறைக்கு விரோதமானது. குடியுரிமை சட்ட திருத்தத்தை எதிா்த்து நாடு முழுவதும் ஆா்ப்பாட்டம் நடத்தப்பட்டு வருகிறது. நாங்களும் சனிக்கிழமை ஆா்ப்பாட்டம் நடத்தவுள்ளோம்.

    ஜெயலலிதா எதிா்த்த நீட் தோ்வை இப்போதைய அதிமுக அரசு அங்கீகரித்து வருகிறது. நீட் தோ்வை எந்தவிதத்திலும் அனுமதிக்க மாட்டோம் என தமிழகம் முடிவெடுக்க வேண்டும்.

    இலங்கைத் தமிழா்கள் பல லட்சம் போ் தமிழகத்தில் அகதிகளாக உள்ளனா். அவா்களின் நிலை குறித்து அரசு தெளிவான அறிவிப்பை வெளியிட வேண்டும் என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai