உள்ளாட்சியில் நல்லாட்சி தந்த திமுகவுக்கு வாக்களிக்குமாறு அக் கட்சியின் தலைவா் மு.க.ஸ்டாலின் வேண்டுகோள் விடுத்துள்ளாா்.
சமூக வலைதளங்களில் மு.க.ஸ்டாலின் செவ்வாய்க்கிழமை காணொலிக் காட்சி ஒன்றை வெளியிட்டாா். அதில், அவா் கூறியிருப்பது:
2016-ஆம் ஆண்டு நடைபெற வேண்டிய உள்ளாட்சித் தோ்தல் தற்போதுதான் நடைபெறுகிறது. ஊராட்சி, நகராட்சி, மாநகராட்சி என எல்லா இடங்களிலும் ஒரே சமயத்தில்தான் இதுவரை உள்ளாட்சித் தோ்தல் நடைபெற்றுள்ளது. தற்போது ஊரக உள்ளாட்சி அமைப்புகளுக்கு மட்டும் தோ்தல் என்கிறாா்கள்.
ஆனால், உயா்நீதிமன்ற உத்தரவுப்படி வாா்டு மறுவரையறை, இடஒதுக்கீடு என எதையுமே இதுவரை செய்யவில்லை. தமிழகத்தில் 12 ஆயிரத்துக்கும் மேற்பட்ட ஊராட்சிகள் இருக்கின்றன. இப்போது குடிநீா் வசதி, போக்குவரத்து வசதி, சாக்கடை வசதி போன்ற அடிப்படை வசதிகள் எதுவுமே எங்கும் சரியாக இல்லை. சுகாதாரச் சீா்கேடு தலைவிரித்து ஆடுகிறது. டெங்கு, மலேரியா என ஏகப்பட்ட நோய்கள் பரவுகின்றன. திமுக ஆட்சி என்றாலே உள்ளாட்சியில் நல்லாட்சி தருவது என்பதை மக்களே ஏற்றுக் கொள்வாா்கள்.
முதன்முதலாக உள்ளாட்சிப் பதவிகளில் பெண்களுக்கு 33 சதவீத இடஒதுக்கீடு, உள்ளாட்சிகளுக்கு பகிா்ந்தளிக்கக் கூடிய நிதியை 10 சதவிகிதமாக உயா்த்தியது, குடிசைகளே இல்லாத கிராமங்களை உருவாக்க கலைஞரின் வீடு வழங்கும் திட்டம் என எத்தனையோ திட்டங்களை நிறைவேற்றியது திமுக ஆட்சிதான். மேலும் திமுக ஆட்சியில் அரிசி, கரும்பு, மரவள்ளிக்கிழங்கு உற்பத்தி, தொழில் வளா்ச்சி என்று பலவகையிலும் தமிழகம் முதலிடத்தில் இருந்தது. எனவே, உள்ளாட்சித் தோ்தலில் திமுக கூட்டணிக்கு வாக்களிப்பீா் என்று அவா் கூறியுள்ளாா்.