என்னுடைய திருவாடனை தொகுதிக்கு ஏதாவது செய்யுங்கள் என்று முக்குலத்தோர் புலிப்படை தலைவர் கருணாஸ் உருக்கமாக வேண்டுகோள் விடுத்தார்.
சட்டப்பேரவையில் நிதிநிலை அறிக்கை மீதான விவாதத்தில் கருணாஸ் பேசியது:
திருவாடனை தொகுதிக்கு எதுவுமே செய்யவில்லை. என்னுடைய தொகுதி மேம்பாட்டு நிதியை முறையாகச் செலவிட்டுள்ளேன். அமைச்சர்கள் ஒவ்வொருவரும் ஒவ்வொரு திட்டத்தை என் தொகுதிக்கு செய்து கொடுங்கள். 5 ஆண்டுகளுக்குப் பிறகு எம்.எல்.ஏ.வாக இருக்கிறேனோ இல்லையோ தெரியாது. தற்போது எம்.எல்.ஏ.வாக இருந்தேன் என்று தொகுதியின் வரலாற்றில் பதிவு செய்வதற்காகவாவது ஏதாவது செய்து கொடுங்கள். ஜெயலலிதாவால் எம்.எல்.ஏ. ஆனேன். அவருடைய ஆட்சி 5 ஆண்டுகள் நீடிக்க வேண்டும் என்றுதான் விரும்புகிறேன். அதற்கு என்னுடைய ஆதரவு உண்டு என்றார்.