Enable Javscript for better performance
நாற்பதும் நமதே என்ற முழக்கத்தோடு தேர்தலை சந்திப்போம்: பியூஷ் கோயல்- Dinamani

உடனுக்கு உடன் செய்திகள்

    நாற்பதும் நமதே என்ற முழக்கத்தோடு தேர்தலை சந்திப்போம்: பியூஷ் கோயல்

    By DIN  |   Published On : 19th February 2019 05:53 PM  |   Last Updated : 19th February 2019 05:53 PM  |  அ+அ அ-  |  

    Piyush_GoyalJune29


    புது தில்லி: தமிழகத்தில் 40 தொகுதிகளும் நமதே என்ற முழக்கத்தோடு மக்களவைத் தேர்தலை சந்திப்போம் என்று மத்திய அமைச்சரும், பாஜகவின் தமிழக தேர்தல் பொறுப்பாளருமான பியூஷ் கோயல் கூறியுள்ளார்.

    அதிமுக தலைமையிலான கூட்டணியில் பாஜக இணைந்துள்ளது. இதற்கான அதிகாரப்பூர்வ அறிவிப்பை அதிமுக ஒருங்கிணைப்பாளர் ஓ. பன்னீர்செல்வம் அறிவித்தார். அதன்படி, புதுச்சேரி உட்பட தமிழகத்தில் உள்ள 40 மக்களவைத் தொகுதிகளில் 5 தொகுதிகளை பாஜகவுக்கு ஒதுக்கீடு செய்வதாக பன்னீர்செல்வம் அறிவித்தார்.

    இந்த அறிவிப்புக்குப் பிறகு செய்தியாளர்களிடம் பேசிய பியூஷ் கோயல், தமிழகத்தில் 40 தொகுதிகளும் நமதே என்ற முழக்கத்தோடு மக்களவைத் தேர்தலை சந்திப்போம் என்று கூறினார்.

    மேலும், தமிழகம் மற்றும் புதுச்சேரியில் மக்களவைத் தேர்தல் மற்றும் தமிழகத்தில் காலியாக உள்ள 21 தொகுதிகளில் நடைபெறும் இடைத்தேர்தலிலும் பாஜக - அதிமுக கூட்டணி தொடரும். இடைத் தேர்தலில் அதிமுகவுக்கு பாஜக ஆதரவு அளிக்கும்.

    மத்தியில் மோடி தலைமையிலும், தமிழகத்தில் ஓபிஎஸ் - இபிஎஸ் தலைமையிலும் தேர்தலை சந்திப்போம். தேர்தல் கூட்டணி குறித்து அதிமுகவுடன் நடந்த பேச்சுவார்த்தை இனிமையாக அமைந்தது என்று கூறினார்.

    அதிமுக - பாஜகவுடனான தேர்தல் உடன்பாடு உறுதியான நிலையில், பாஜக - தேமுதிக இடையேயான தேர்தல் கூட்டணி குறித்து பேச்சுவார்த்தை நடத்த, தேமுதிக தலைவர் விஜயகாந்த்தை சந்தித்துப் பேச்சுவார்த்தை நடத்த உள்ளார் பியூஷ் கோயல்.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp