அதிமுக கூட்டணி குறித்து ஸ்டாலின் விமர்சித்தது அநாகரிகமானது என்று மத்திய இணை அமைச்சர் பொன்.ராதாகிருஷ்ணன் தெரிவித்துள்ளார்.
மக்களவைத் தேர்தலையொட்டிஅதிமுக தலைமையிலான கூட்டணியில் பா.ஜ.க., பாமக அதிகாரபூர்வமாக இணைந்துள்ளன. பாமகவுக்கு 7 தொகுதிகளும் ஒரு மாநிலங்களவை இடமும், பா.ஜ.க.வுக்கு 5 தொகுதிகளும் ஒதுக்கப்பட்டுள்ளன.
பாஜகவுடன் கூட்டணி இறுதி செய்யப்பட்டது தொடர்பான அறிவிப்பை அதிமுகவின் ஒருங்கிணைப்பாளரும், துணை முதல்வருமான ஓ.பன்னீர் செல்வம், மத்திய அமைச்சரும், பா.ஜ.க.வுக்கான தமிழக தேர்தல் பொறுப்பாளருமான பியூஷ் கோயல் இருவரும் செவ்வாய்க்கிழமை கூட்டாக வெளியிட்டனர்.
இதுகுறித்து திருச்சியில் பொன்.ராதாகிருஷ்ணன் செய்தியாளர்களுக்கு அளித்த பேட்டியில்,
அதிமுக கூட்டணியில் மேலும் சில கட்சிகளை இணைக்க பேச்சுவார்த்தை நடந்து வருகிறது. தேமுதிகவுடன் தொடர்ந்து பேச்சுவார்த்தை நடைபெற்று வருகிறது.
அதிமுக கூட்டணி குறித்து ஸ்டாலின் விமர்சித்தது அநாகரிகமானது. இவ்வாறு அவர் கூறினார்.