சுடச்சுட

    

    பொங்கல் பண்டிகை: சென்னையிலிருந்து சிறப்பு பேருந்துகள் இன்று முதல் இயக்கம்

    By DIN  |   Published on : 11th January 2019 11:09 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    bus

    பொங்கல் பண்டிகையை முன்னிட்டு சிறப்பு பேருந்துகள் சென்னையிலிருந்து இன்று முதல் இயக்கப்படுகின்றன. 

    பொங்கல் பண்டிகையை முன்னிட்டு சொந்த ஊர்களுக்குச் செல்லும் பயணிகளின் வசதிக்காக சென்னை உள்பட முக்கிய நகரங்களில் கூடுதல் சிறப்புப் பேருந்துகளை தமிழக அரசு இயக்க உள்ளது. சென்னையிலிருந்து பிற ஊர்களுக்கு வழக்கமாக இயக்கக்கூடிய 2,275 பேருந்துகளுடன், சிறப்புப் பேருந்துகளாக ஜனவரி 11 முதல் 14 வரை நான்கு நாள்களுக்கு 5,163 கூடுதல் சிறப்புப் பேருந்துகள் என ஒட்டுமொத்தமாக 14,263 பேருந்துகள் இயக்கப்பட உள்ளன. அதுபோல, பொங்கல் பண்டிகை முடிந்து திரும்பிவர வசதியாக ஜனவரி 17 முதல் 20 வரை பிற ஊர்களிலிருந்து சென்னைக்கு மொத்தமாக 3,776 பேருந்துகளும், பிற முக்கிய பகுதிகளிலிருந்து பல்வேறு பகுதிகளுக்கு 7,841 சிறப்புப் பேருந்துகளும் இயக்கப்பட உள்ளன. 

    பொங்கல் பண்டிகைக்கு ஏராளமான மக்கள் சென்னையிலிருந்து வெளி ஊர்களுக்குச் செல்வார்கள் என்பதால், போக்குவரத்து நெரிசலைக் குறைப்பதற்காக வெளியூர் பேருந்துகள் 5 இடங்களில் இருந்து இயக்கப்பட உள்ளன. அதாவது கோயம்பேடு பேருந்துநிலையம், தாம்பரம் அறிஞர் அண்ணா பேருந்து நிலையம், தாம்பரம் ரயில்நிலைய பேருந்து நிறுத்தம், மாதவரம் புதிய பேருந்து நிலையம், பூந்தமல்லி பேருந்துநிலையம், கே.கே.நகர் பேருந்து நிலையம் ஆகிய இடங்களிலிருந்து இயக்கப்பட உள்ளன.

    மேலும், பயணிகளின் வசதிக்காக கோயம்பேடு பேருந்துநிலையம், தாம்பரம் அறிஞர் அண்ணா பேருந்துநிலையம், பூந்தமல்லி பேருந்து நிலையம், மாதவரம் புதிய பேருந்துநிலையம் ஆகிய 4 இடங்களில் 30 சிறப்பு முன்பதிவு மையங்கள் அமைக்கப்பட்டுள்ளன. கோயம்பேடு பேருந்துநிலையத்தில் மட்டும் 26 முன்பதிவு மையங்கள் அமைக்கப்பட்டுள்ளன. பேருந்து டிக்கெட்டுகளை www.tnstc.in, www.redbus.in, www.paytm.com, www.busindia.com ஆகிய இணையதளங்கள் மூலம் ஆன்-லைனிலும் முன்பதிவு செய்துகொள்ளலாம்.

    சென்னையில் இருந்து வெளியூருகளுக்கு செல்ல சிறப்பு பேருந்துகளில் 1.37லட்சம் பேர் இதுவரை முன்பதிவு செய்துள்ளனர்.  இந்நிலையில் பொங்கல் பண்டிகையை முன்னிட்டு சிறப்பு பேருந்துகள் சென்னையிலிருந்து இன்று முதல் இயக்கப்படுகின்றன. 

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai