பாமகவின் துணை பொதுச்செயலாளரும், ஓமலூரின் முன்னாள் எம்எல்ஏவுமான தமிழரசு இன்று திமுகவில் இணைந்தார்.
மக்களவைத் தேர்தலையொட்டி தமிழக அரசியல் களம் பரபரப்பாக இயங்கிக்கொண்டிருக்கிறது. மற்றொருபுறம் தேசிய அரசியலை போன்று தமிழக அரசியலிலும் கட்சி தாவல் தொடங்கி இருக்கிறது. நேற்று அமமுகவின் விபி கலைராஜன் திமுகவில் இணைந்த நிலையில் இன்று ஓமலூர் தொகுதி முன்னாள் பாமக எம்எல்ஏ தமிழரசு இணைந்துள்ளார்.
சேலத்தில் திமுக தலைவர் மு.க.ஸ்டாலின் முன்னிலையில் அவர் தன்னை திமுகவில் இணைத்துக்கொண்டார். அவருடன் சேலம் மாவட்ட பாமக செயலாளர் ஜெயவேல் உள்பட நூற்றுக்கணக்கான பாமகவினரும் திமுகவில் இணைந்தனர். தேர்தல் நெருங்கும் நிலையில் பாமகவில் இருந்து பலர் திமுகவில் இணைந்துள்ளது திமுகவுக்கு பலத்தையும் பாமகவுக்கு பலவீனத்தையும் அளித்துள்ளதாக அரசியல் விமர்சகர்கள் கருத்து கூறுகின்றனர்.