Enable Javscript for better performance
தோல்வி பயத்தாலேயே தேர்தல் ஆணையம் மீது திமுக குற்றச்சாட்டு- Dinamani

உடனுக்கு உடன் செய்திகள்

    தோல்வி பயத்தாலேயே தேர்தல் ஆணையம் மீது திமுக குற்றச்சாட்டு

    By DIN  |   Published On : 10th May 2019 01:18 AM  |   Last Updated : 10th May 2019 01:18 AM  |  அ+அ அ-  |  

    rajendrabalaji

    தூத்துக்குடி, தருவைக்குளத்தில் படகில் சென்று மீனவர்களிடம் வாக்குச் சேகரிக்கும் அமைச்சர் கே.டி. ராஜேந்திர பாலாஜி.


    தோல்வி பயத்தாலேயே தேர்தல் ஆணையம் மீது திமுக உள்ளிட்ட எதிர்க்கட்சிகள் குற்றஞ்சாட்டுகின்றன என்றார், பால்வளத் துறை அமைச்சர் கே.டி. ராஜேந்திர பாலாஜி.
    தூத்துக்குடி மாவட்டம், ஓட்டப்பிடாரம் பேரவைத் தொகுதிக்கு உள்பட்ட தருவைக்குளம் மீனவக் கிராமத்தில் அவர் படகில் கடலுக்குச் சென்று, அங்கு மீன்பிடித்துக் கொண்டிருந்தோரிடம் வியாழக்கிழமை வாக்கு சேகரித்தார். பின்னர், செய்தியாளர்களிடம் அவர் கூறியது: 
    இத்தொகுதியில் அதிமுக வேட்பாளர் பெ. மோகன் 70 ஆயிரம் வாக்குகள் வித்தியாசத்தில் வெற்றி பெறுவார். மீனவ மக்களுக்கு அதிமுக அரசு எப்போதும் துணை நின்று வருகிறது.
    மறைந்த முதல்வர் ஜெயலலிதா பெயரில் கட்சி நடத்த டிடிவி தினகரனுக்கு தகுதி கிடையாது. 2006ஆம் ஆண்டு ஜெயலலிதாவால் விரட்டப்பட்டவர்தான் தினகரன். அதிமுகவை அவர் உடைக்கப் பார்த்தபோது முதல்வர் எடப்பாடி கே. பழனிசாமி சரியான நேரத்தில் கட்சியையும் ஆட்சியையும் காப்பாற்றினார். ஜெயலலிதா உயிரைக் கொடுத்து உருவாக்கிய இந்த ஆட்சியை மக்களாட்சியாக எடப்பாடி கே. பழனிசாமி சிறப்பாக வழிநடத்தி வருகிறார்.
    அதிமுக ஆட்சியை அகற்ற திமுகவுடன் இணைந்து தினகரன் சதிசெய்து வருகிறார். மக்கள் ஆதரவோடு செயல்படும் அதிமுக அரசை அசைத்துப் பார்க்க அவரால் முடியாது. 
    திமுகவுக்கு தோல்வி உறுதி எனத் தெரிந்துவிட்டதால், அதிமுகவோடு தேர்தல் ஆணையம் கூட்டணி என ஸ்டாலின் குற்றஞ்சாட்டுகிறார். தோல்வி பயத்தாலேயே தேர்தல் ஆணையம் மீது அவர் உள்ளிட்ட எதிர்க்கட்சியினர் குற்றஞ்சாட்டி வருகின்றனர். அதிமுக அரசுக்கு தேர்தல் ஆணையம் எவ்வகையிலும் ஆதரவாக செயல்படவில்லை என்றார் அவர்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp