பாஜகவுடன் கூட்டணி தொடருமா? அமைச்சர் ஜெயக்குமார் பதில்

பாஜகவுடன் கூட்டணி தொடருமா? என்கிற கேள்விக்கு மீன்வளத்துறை அமைச்சர் ஜெயக்குமார் பதிலளித்துள்ளார். 

தமிழகத்தில் 38 மக்களவைத் தொகுதிகளுக்கு கடந்த ஏப்ரல் 18-ஆம் தேதி தேர்தல் நடைபெற்றது. இந்தத் தேர்தலில் பதிவான வாக்குகள் அனைத்தும் வியாழக்கிழமை (மே 23) எண்ணப்பட்டன. அதில், தேனி மக்களவைத் தொகுதியில் மட்டும் அதிமுக கூட்டணி வெற்றி பெற்றது. மற்ற தொகுதிகளில் தோல்வியை தழுவியது. 

இதுகுறித்து செய்தியாளர்களுக்கு பேட்டியளித்த அமைச்சர் ஜெயக்குமார்,
கொள்கை முடிவு என்பதால் பாஜகவுடன் கூட்டணி தொடருமா என்பதை கட்சியே முடிவுசெய்யும். திமுக ஆட்சி மலரும் என்றார் ஸ்டாலின், ஆனால் அதிமுக ஆட்சி தொடர்கிறது. அதிமுக ஆட்சி கவிழும் என ஸ்டாலின் கூறியது நடக்கவில்லை; அதற்காக அவர் ராஜினாமா செய்வாரா? 

மத்திய அரசுக்கு எதிராக தவறான பிரசாரம் செய்து திமுக வெற்றி பெற்று விட்டது. வாக்களார்களால் ஏற்றுக்கொள்ள முடியாத நிலைதான் டிடிவி தினகரனுக்கு ஏற்பட்டுள்ளது. இவ்வாறு அவர் கூறினார்.