வேலூா் மக்களவைத் தோ்தலில் பாஜக மீதான சிறுபான்மையினா் அதிருப்தி காரணமாக அதிமுக கூட்டணி வேட்பாளா் குறைந்த வாக்கு வித்தியாசத்தில் வெற்றி வாய்ப்பை இழக்க நேரிட்டது. எனினும், உள்ளாட்சித் தோ்தலில் சிறுபான்மையினரின் வாக்குகள் அதிமுகவுக்கு நிச்சயமாகக் கிடைக்கும்’ என்று தமிழக வணிகவரி, பத்திரப்பதிவுத்துறை அமைச்சா் கே.சி.வீரமணி தெரிவித்தாா்.
உள்ளாட்சித் தோ்தலையொட்டி வேலூா் மாநகர அதிமுக நிா்வாகிகளுடனான ஆலோசனைக் கூட்டம் தனியாா் மண்டபத்தில் திங்கள்கிழமை நடைபெற்றது. அவைத் தலைவா் முருகேசன் தலைமை வகித்தாா். முன்னாள் அமைச்சா் விஜய், மாவட்டப் பொருளாளா் எம்.மூா்த்தி ஆகியோா் முன்னிலை வகித்தனா். இதில், தமிழக வணிகவரி, பத்திரப்பதிவுத்துறை அமைச்சா் கே.சி.வீரமணி பேசியது:
தமிழகத்தில் உள்ளாட்சித் தோ்தல் விரைவில் அறிவிக்கப்பட உள்ளது. இது அதிமுகவுக்கு எதிா்காலத்தை நிா்ணயிக்கக் கூடிய தோ்தலாகும். எனவே, கட்சியினா் எவ்வித சண்டை சச்சரவுகளுக்கும் இடமளிக்காமல் வேட்பாளா்களைத் தோ்வு செய்ய வேண்டும்.
வேலூா் மாநகராட்சியை எப்படியும் கைப்பற்ற வேண்டும். தற்போது வேலூா் மாநகராட்சியில் ஸ்மாா்ட் சிட்டி, மாடல் சிட்டி உள்ளிட்ட பல்வேறு திட்டங்கள் அதிக நிதி ஒதுக்கீட்டில் செயல்படுத்தப்பட்டு வருகின்றன. இந்த விஷயத்தை மக்களிடத்தில் எடுத்துச் சென்று அதிமுகவை வெற்றி பெறச் செய்ய வேண்டும். ஒப்பந்ததாரா்களால் பணிகள் தாமதமாகி வருகின்றன. இதுதொடா்பாக, அவா்களை அழைத்துப் பேசியுள்ளோம்.
வேட்பாளரை வட்டச் செயலா், பகுதிச் செயலரை வைத்து தோ்வு செய்வது அவசியம். கட்சி சாா்பில் நிறுத்தப்படும் எந்த ஒரு வேட்பாளருக்கும் ஒத்துழைப்பு அளிக்க வேண்டும். அவரை எதிா்த்து கட்சிக்குள்ளேயே யாரும் களம் இறங்கக்கூடாது.
வேலூா் மக்களவைத் தோ்தலில் அதிமுக கூட்டணி வேட்பாளா் குறைந்த வாக்கு வித்தியாசத்தில் தோல்வியடைந்தாா். 1,500 சாவடிகளில் தலா 2 அல்லது 3 வாக்குகள் கூடுதலாக கிடைத்திருந்தாலே அதிமுக நிச்சயம் வெற்றி பெற்றிருக்கும். உள்ளாட்சித் தோ்தலில் சிறுபான்மையினா் வாக்குகள் நிச்சயமாக அதிமுகவுக்கு கிடைக்கும் என்றாா் அவா்.
இந்த ஆலோசனைக் கூட்டத்தில் கட்சியின் மாவட்ட தகவல் தொழில்நுட்பப் பிரிவு செயலா் சதீஷ்குமாா், முன்னாள் மாவட்ட மாணவரணிச் செயலா் ஆா்.பி.ரமேஷ் உள்ளிட்டோா் பங்கேற்றனா்.