மேட்டூா் அணைக்குநீா்வரத்து சரிவு

மேட்டூா் அணைக்கு வரும் நீரின் அளவு நொடிக்கு 7,500 கன அடியாகச் சரிந்தது.

காவிரியின் நீா்ப் பிடிப்புப் பகுதிகளில் மழை தணிந்ததால், திங்கள்கிழமை காலை மேட்டூா் அணைக்கு நொடிக்கு 10,500 கன அடி வீதம் வந்துகொண்டிருந்த நீா்வரத்து, செவ்வாய்க்கிழமை காலை நொடிக்கு 7,500 கன அடியாகச் சரிந்தது. நீா்வரத்து சரிந்ததையடுத்து, காவிரி டெல்டா பாசனப் பகுதிகளுக்கு திறக்கப்படும் நீரின் அளவு 11 ஆயிரம் கன அடியிலிருந்து 7 ஆயிரம் கன அடியாக குறைக்கப்பட்டது. கிழக்கு மேற்கு கால்வாய் பாசனத்துக்கு நொடிக்கு 600 கன அடி வீதம் தண்ணீா் திறக்கப்பட்டு வருகிறது. அணையின் நீா்மட்டம் 120 அடியாகவும், நீா் இருப்பு 93.47 டி.எம்.சி.யாகவும் இருந்தது.