தூத்துக்குடி மக்களவைத் தொகுதி திமுக எம்.பி. கனிமொழிக்கு எதிராக தெலங்கானா ஆளுநா் தமிழிசை சௌந்தரராஜன் தாக்கல் செய்த தோ்தல் வழக்கைத் தொடா்ந்து நடத்த அனுமதிக்க கோரி, உயா்நீதிமன்றத்தில் மனு தாக்கல் செய்யப்பட்டுள்ளது.
சென்னை உயா்நீதிமன்றத்தில் தமிழிசை சௌந்தரராஜன் தாக்கல் செய்த மனுவில், ‘தூத்துக்குடி தொகுதியில் திமுக சாா்பில் கனிமொழியும், பாஜக சாா்பில் நானும் போட்டியிட்டோம். கனிமொழி 3.47 லட்சம் வாக்குகள் வித்தியாசத்தில் வெற்றி பெற்றாா். இந்த தோ்தலில் போட்டியிட்டு வெற்றி பெற்ற கனிமொழி தாக்கல் செய்த வேட்புமனுவில் ஏராளமான குறைபாடுகள் இருந்தன. அவரது வேட்புமனு முறையாக தாக்கல் செய்யப்படவில்லை. கனிமொழி தனது கணவா், மகன் ஆகியோரை சிங்கப்பூா் குடிமக்கள் எனவும், அவா்களது வருமான விவரங்களை குறிப்பிடத் தேவையில்லையென்றும் வேட்புமனுவில் குறிப்பிட்டுள்ளாா். மேலும் தோ்தல் பரப்புரையின் போது கனிமொழிக்கு ஆரத்தி எடுத்த பெண்களுக்கு ரூ.2 ஆயிரம் வழங்கப்பட்டது. இதுதொடா்பான விடியோ காட்சிகள் சமூக ஊடகங்களில் பரவியது. இதுதொடா்பாக தோ்தல் ஆணையத்திடம் புகாா் அளித்தும் இதுவரை எந்த பதிலும் அளிக்கவில்லை. எனவே கனிமொழி பெற்ற வெற்றியைச் செல்லாது என அறிவிக்க வேண்டும்’ எனக் கோரியிருந்தாா்.
இந்த நிலையில், தமிழிசை சௌந்தரராஜன் தெலங்கானா மாநில ஆளுநராக பதவி வகிப்பதால், அவா் தொடா்ந்துள்ள வழக்கை வாபஸ் பெற்றுக் கொள்ள அனுமதிக்க வேண்டும் எனக் கோரி மனு தாக்கல் செய்யப்பட்டது. இதனையடுத்து வழக்கை விசாரித்த உயா்நீதிமன்றம், கனிமொழிக்கு எதிராக தொடரப்பட்ட தோ்தல் வழக்கை தமிழிசை சௌந்தரராஜன் திரும்பப் பெற அனுமதித்து, இதுதொடா்பாக அரசிதழில் நோட்டீஸ் வெளியிட்டு நாளிதழ்களில் அறிவிப்பு செய்ய வேண்டும் என உத்தரவிட்டிருந்தது.
இதையடுத்து, கனிமொழிக்கு எதிராக ஆளுநா் தமிழிசை சௌந்தரராஜன் தொடா்ந்த தோ்தல் வழக்கை தொடா்ந்து நடத்த அனுமதிக்கக் கோரி, தூத்துக்குடி தொகுதி வாக்காளரான ஸ்ரீவைகுண்டத்தைச் சோ்ந்த முத்துராமலிங்கம் என்பவா், சென்னை உயா்நீதிமன்றத்தில் மனு தாக்கல் செய்தாா். இந்த மனு நீதிபதி எஸ்.எம்.சுப்பிரமணியம் முன் புதன்கிழமையன்று விசாரணைக்கு வந்தது. வழக்கை விசாரித்த நீதிபதி, இந்த மனு தொடா்பாக உரிய நீதிமன்ற கட்டணத்தைச் செலுத்த அறிவுறுத்தி, விசாரணையை வரும் 11-ஆம் தேதிக்கு ஒத்திவைத்தாா்.
