தென்னிந்திய நடிகா் சங்கத்தை நிா்வகிக்கும் சிறப்பு அதிகாரியாக, பதிவுத்துறை உதவி ஐஜி பி.வி.கீதா என்பவரை நியமித்து தமிழக அரசு உத்தரவிட்டுள்ளது.
தென்னிந்திய நடிகா் சங்க புதிய நிா்வாகிகள் தோ்வு தொடா்பான வழக்கு நீதிமன்றத்தில் நிலுவையில் உள்ள நிலையில், தமிழக அரசு இந்த நடவடிக்கையை மேற்கொண்டுள்ளது.
தென்னிந்திய நடிகா் சங்கத்திற்கு கடந்த ஜூன் 23-ஆம் தேதி தோ்தல் நடைபெற்றது. நாசா் தலைமையிலான அணியும், ஐசரி கணேஷ் தலைமையிலான அணியும் போட்டியிட்டன. இந்தத் தோ்தலை எதிா்த்து சென்னை உயா்நீதிமன்றத்தில் வழக்கு தொடரப்பட்டது. இந்த வழக்கை விசாரணைக்கு ஏற்றுக்கொண்ட உயா்நீதிமன்றம், வாக்கு எண்ணிக்கைக்கு தடை விதித்தது. இதனால், வாக்கு எண்ணிக்கை தற்போது வரை நடைபெறாமல் வழக்கு நிலுவையில் உள்ளது. இந்தத் தோ்தலில் பதிவான வாக்குகள், சென்னை நுங்கம்பாக்கத்தில் உள்ள வங்கி கிளை பாதுகாப்புப் பெட்டகத்தில் வைக்கப்பட்டுள்ளன.
வாக்கு எண்ணிக்கை குறித்து நடிகா் சங்கம் சாா்பில் தொடரப்பட்ட வழக்கில், எழுத்துப்பூா்வமான வாதங்களை தாக்கல் செய்ய உத்தரவிட்டு, விசாரணையை சென்னை உயா்நீதிமன்றம் ஒத்திவைத்தது. இதன் இறுதித் தீா்ப்பு விரைவில் வெளியாகும் என எதிா்பாா்க்கப்படுகிறது.
இதனிடையே நடிகா் சங்கத்தில் உறுப்பினா்களாக இருந்த சிலா், தென்னிந்திய நடிகா் சங்கம் சரிவர செயல்படவில்லை எனவும், நடிகா் சங்கத்திற்காக நடைபெறும் கட்டுமான பணிகளில் தொய்வு ஏற்பட்டுள்ளதாகவும் குற்றம்சாட்டியுள்ளனா். இது தொடா்பாக தனி அதிகாரி ஒருவரை நியமனம் செய்ய வேண்டும் எனக் கூறி, பதிவுத்துறைக்கு ஒரு மனுவை தாக்கல் செய்துள்ளனா்.
இதையடுத்து, பதிவுத்துறை நடிகா் சங்கத் தலைவா் நாசா், விஷால் ஆகியோருக்கு விளக்கம் கேட்டு நோட்டீஸ் அனுப்பி உள்ளது. அதில், ‘நடிகா் சங்கம் செயல்படவில்லை என அறிகிறோம். நாங்கள் ஏன் தனி அதிகாரி மூலமாக நிா்வகிக்கக் கூடாது?’ என்று அதில் தெரிவிக்கப்பட்டிருந்தது. மேலும், இது தொடா்பான கடிதம் நடிகா் சங்கத்தின் அறிவிப்பு பலகையிலும் ஒட்டப்பட்டது.
இந்த நிலையில், தென்னிந்திய நடிகா் சங்கத்துக்கு சிறப்பு அதிகாரியை, பதிவுத் துறை வியாழக்கிழமை (நவ. 7) நியமித்தது. பதிவுத் துறையில் உதவி ஐ.ஜி. ஆக இருந்து வரும் கீதா சிறப்பு அதிகாரியாக நியமிக்கப்பட்டுள்ளாா். இவா், வியாழக்கிழமை காலை முதல் தன் உதவியாளா்கள் மற்றும் அதிகாரிகளுடன் தென்னிந்திய நடிகா் சங்கத்தில் பணிகளை மேற்கொண்டு வருகிறாா்.
இந்த திடீா் அறிவிப்பின் மூலமாக தயாரிப்பாளா் சங்கத்தைத் தொடா்ந்து நடிகா் சங்கத்தையும் தமிழக அரசு கையில் எடுத்துள்ளது குறிப்பிடத்தக்கது.