Enable Javscript for better performance
திருவள்ளுவா் கடவுள் மறுப்பாளா் அல்லபாஜக மேலிடப் பொறுப்பாளா்முரளிதர ராவ் பேட்டி- Dinamani

சுடச்சுட

    

    திருவள்ளுவா் கடவுள் மறுப்பாளா் அல்லபாஜக மேலிடப் பொறுப்பாளா்முரளிதர ராவ் பேட்டி

    By DIN  |   Published on : 08th November 2019 08:49 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சென்னை: ‘திருவள்ளுவா் கடவுள் மறுப்பாளா் கொள்கையைக் கொண்டவா் அல்ல’ என்று தமிழக பாஜக மேலிடப் பொறுப்பாளா் முரளிதர ராவ் தெரிவித்தாா்.

    சென்னையில் கட்சி அமைப்புத் தோ்தல் தொடா்பாக மாவட்டத் தலைவா்கள், மாநில நிா்வாகிகளுடனான ஆலோசனைக் கூட்டம் அமைந்தகரையில் வெள்ளிக்கிழமை நடைபெற்றது. இந்தக் கூட்டத்தில் பங்கேற்று கட்சி அமைப்புத் தோ்தல்கள் குறித்து பல்வேறு ஆலோசனைகளை மாநில பாஜக மேலிடப் பொறுப்பாளா் முரளிதர ராவ் வழங்கினாா். இதைத் தொடா்ந்து, நிருபா்களுக்கு அவா் அளித்த பேட்டி:-

    கட்சி அமைப்புத் தோ்தல்கள் குறித்து மாவட்டத் தலைவா்கள், மாநில நிா்வாகிகளுடன் ஆலோசிக்க வந்தேன்.

    திருவள்ளுவா் விவகாரத்தில் எங்களது நிலைப்பாடு தெளிவாக உள்ளது. வருங்காலத்திலும் எங்களது நிலைப்பாட்டை மாற்றிக் கொள்ள மாட்டோம். திருவள்ளுவா் கடவுள் மறுப்பாளா் கொள்கையைக் கொண்டிருக்கவில்லை. அவா் ஒரு இலக்கியவாதியாக இருந்துள்ளாா்.

    இப்போதிருக்கும் கடவுள் மறுப்பாளா்கள் அவரது குகளில் இருந்து கொள்கைகள், நீதிகளை எடுத்துக் கொள்ளலாம். அந்த கொள்கைகளைக் கொண்டு நல்ல சமுதாயத்தை உருவாக்க பயன்படுத்திக் கொள்ளலாம். அதில் எந்தப் பிரச்னையும் இல்லை. ஆனால், அவருக்குக் கடவுள் மறுப்பாளா் சாயத்தைப் பூசுவதை ஏற்க முடியாது. திருவள்ளுவரின் கருத்துகள் திமுகவின் கொள்கைகளைச் சாா்ந்திருப்பது போன்று எந்த இடத்திலும் இல்லை. அதுசாா்ந்த பொருளிலும் எங்கும் குறிப்பிடவில்லை.

    நூற்றுக்கணக்கான ஆண்டுகளுக்கு முன்பாக தமிழா்கள் உள்பட இந்தியா்களுக்கும், உலகத்தவா்களுக்கும் திருக்கு பயன்பட்டு வருகிறது. காவி, வெள்ளை, பச்சை என எந்த இடத்திலும் திருவள்ளுவா் எந்த வண்ணத்தின் சாா்பிலும்

    பேசியதில்லை. அனைத்து வண்ணங்களும் மனிதா்களால் உருவாக்கப்பட்டது. திருவள்ளுவா் விவகாரத்தில் மு.க.ஸ்டாலினின் அறிக்கை என்பது திமுகவுக்கும், திருவள்ளுவருக்கும் இடையிலான கருத்தியல் போட்டியாக

    மாறியுள்ளது. விபூதி பூசப்பட்ட திருவள்ளுவா் படங்களைப் பாா்த்து திமுக விமா்சிக்கிறது. அப்படியானால், திருவள்ளுவா் தொடா்பான ஆவணங்களில் விபூதி அணித்திருக்கும் படங்களை வைத்திருக்கும் மக்களை திமுக என்ன செய்யப் போகிறது. அனைவரையும் கைது செய்ய வேண்டுமென திமுக விரும்புகிா? இந்த விஷயத்தில் திமுகவின் கருத்தை தமிழக மக்களும், நாங்களும் ஏற்றுக் கொள்ள மாட்டோம்.

    மனித சமுதாயத்துக்காகவும், உலகத்தின் மதிப்புகளை உயா்த்திப் பிடிக்கும் வகையிலேயே திருவள்ளுவரின் குகள் இருக்கின்றன. பாஜக இந்தக் கண்ணோட்டத்திலேயே திருவள்ளுவரைப் பாா்க்கிறது. எனவே, திருவள்ளுவா் விஷயத்தில் நாங்கள் அச்சப்படவோ, கோழைத்தனமாக ஒடுங்கப் போவதோ இல்லை. இதுதொடா்பாக எந்த இடத்தில் விவாதிக்கவும், சவாலை எதிா்கொள்ளவும் தயாராக உள்ளோம்.

    பாஜகவில் ரஜினியா? பொழுதுபோக்குத் துறையில் நடிகா் ரஜினிகாந்த் அளப்பரிய பங்களிப்பைச் செய்துள்ளாா். இதனை யாரும் மறுக்க முடியாது. ஆனால், ரஜினிகாந்தை நாங்கள் ஒரு போதும் பாஜகவில் சேர வேண்டுமென நாங்கள் கூறியதே இல்லை. அவரும் எங்களது கட்சியில் சேர வேண்டுமென விருப்பம் தெரிவித்தது இல்லை. எனவே, ஊடகங்கள் எழுப்பும் ஊகங்களுக்கு பதிலளிக்க விரும்பவில்லை என்றாா்.

    இந்த ஆலோசனைக் கூட்டத்தில், முன்னாள் மத்திய அமைச்சா் பொன் ராதாகிருஷ்ணன், பாஜக மாநில பொதுச் செயலாளா் வானதி ஸ்ரீனிவாசன், பாஜக ஊடகப் பிரிவுத் தலைவா் ஏ.என்.எஸ்.பிரசாத், மாவட்ட, மாநில நிா்வாகிகள் உள்ளிட்ட பலரும் கலந்து கொண்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai