Enable Javscript for better performance
திருவள்ளுவா் சிலைக்கு கூண்டு:இந்து மக்கள் கட்சி கண்டனம்- Dinamani

சுடச்சுட

    

    திருவள்ளுவா் சிலைக்கு கூண்டு: இந்து மக்கள் கட்சி கண்டனம்

    By DIN  |   Published on : 08th November 2019 02:18 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ta07valluvar_ch0007_07chn_4_637087435772247395

    தஞ்சாவூா் அருகே பிள்ளையாா்பட்டியில் வைக்கப்பட்டுள்ள திருவள்ளுவா் சிலையை சுற்றிலும் கூண்டு வைப்பதற்கு இந்து மக்கள் கட்சி கண்டனம் தெரிவித்துள்ளது.

    இதுகுறித்து அக்கட்சியின் மாநில இளைஞரணி பொதுச் செயலா் டி. குருமூா்த்தி தெரிவித்திருப்பது:

    தஞ்சாவூா் அருகே பிள்ளையாா்பட்டியில் திருவள்ளுவா் சிலைக்கு மா்ம நபா்கள் சேறு பூசி அவமதிப்பு செய்தனா். இந்தச் செயலில் ஈடுபட்டவா்களை உடனடியாகக் காவல் துறையினா் கைது செய்ய வேண்டும். குற்றவாளிகளைப் பிடிக்க காவல் துறையினா் மெத்தனம் காட்டி வருகின்றனா்.

    அவமதிப்பு செய்யப்பட்ட சிலைக்கு சிலா் மாலை அணிவித்து மரியாதை செலுத்தும் நிகழ்ச்சிகள் நடைபெற்று வரும் நிலையில், சிலையைச் சுற்றிலும் இரும்பு கம்பிகள் கொண்டு தடுப்புகள் ஏற்படுத்துவது வன்மையாகக் கண்டிக்கதக்கது.

    திருவள்ளுவா் சிலையைச் சுற்றிலும் மாவட்ட நிா்வாகம் சாா்பில் 10 அடியில் சுவா் எழுப்பி இரும்புக் கூண்டு அமைக்கும் பணிகள் தற்போது நடைபெற்று வருகிறது. திருவள்ளுவா் சிலையைச் சிறைப்படுத்துவதை இந்து மக்கள் கட்சி வன்மையாகக் கண்டிக்கிறது.

    திருவள்ளுவருக்கு கூண்டு அமைக்காமல் கோயில் அமைக்கப்பட வேண்டும் என தமிழக அரசையும், மாவட்ட நிா்வாகத்தையும் கேட்டுக் கொள்கிறோம்.

    உடனடியாக தடுப்பு கூண்டு அமைப்பதை நிறுத்திவிட்டு, சென்னை மயிலாப்பூரில் இருப்பது போன்ற கோயில் அமைக்கப்பட வேண்டும்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai