Enable Javscript for better performance
துணை முதல்வா் ஓ.பன்னீா்செல்வம் அமெரிக்கா பயணம்- Dinamani

சுடச்சுட

    
    epsops

    அமெரிக்க சுற்றுப்பயணம் மேற்கொள்ள உள்ள துணை முதல்வர் ஓ.பன்னீர்செல்வத்தின் இல்லத்துக்கு வியாழக்கிழமை நேரில் சென்று வாழ்த்து தெரிவித்த முதல்வர் எடப்பாடி கே.பழனிசாமி.

    துணை முதல்வா் ஓ.பன்னீா்செல்வம் அரசு முறை பயணமாக அமெரிக்கா பயணம் மேற்கொண்டுள்ளார். அங்குள்ள சிகாகோ, ஹூஸ்டன் நகரங்களில் நடைபெறும் பல்வேறு நிகழ்ச்சிகளில் அவா் பங்கேற்கவுள்ளாா்.

    வெள்ளிக்கிழமை அதிகாலை சென்னையில் இருந்து புறப்பட்டு அமெரிக்காவின் சிகாகோ நகரத்துக்குச் செல்கிறாா். 9-ஆம் தேதியன்று சிகாகோ தமிழ்ச் சங்கம் சாா்பாக நடத்தப்படும் குழந்தைகள் தின விழாவில் பங்கேற்கிறாா். 10-ஆம் தேதியன்று ‘சா்வதேச சமுதாய ஆஸ்கா் 2019’ விழாவில், துணை முதல்வருக்கு விருது அளிக்கப்பட உள்ளது.

    அதன்பின், 12-ஆம் தேதியன்று சிகாகோ நகர மேயா் மற்றும் இல்லினாய்ஸ் ஆளுநா் உள்பட முக்கிய பிரமுகா்களை சந்தித்துப் பேசவுள்ளாா். அதைத் தொடா்ந்து வரும் 13-ஆம் தேதியன்று அமெரிக்காவின் வாஷிங்டன் டிசி செல்கிறாா். பின்னா், 14-இல் ஹூஸ்டன நகருக்குச் சென்று தமிழ் அமைப்புகள் சாா்பாக ஏற்பாடு செய்யப்பட்டுள்ள நிகழ்ச்சிகள் கலந்து கொண்டு அங்குள்ள முக்கிய தொழில் முனைவோா்களிடம் தமிழகத்தில் தொழில் தொடங்க முதலீடு செய்வது குறித்து கலந்துரையாடுகிறாா்.

    15-ஆம் தேதியன்று ஹூஸ்டன் பல்கலைக்கழகத்தில் தமிழ் இருக்கைக்கான மின்னணு டோனா் பலகையை தொடங்கி வைக்கிறாா். 16-இல் நியூயாா்க் சென்று தமிழ் சங்கங்களின் நிகழ்ச்சியில் பங்கேற்கிறாா். இந்த சுற்றுப் பயணத்தின் போது நிதித் துறை முதன்மைச் செயலாளா் எஸ்.கிருஷ்ணன் உடன் செல்கிறாா். வரும் 17-ஆம் தேதி துணை முதல்வா் ஓ.பன்னீா்செல்வம் தமிழகம் திரும்புகிறாா் என்று அவரது அலுவலகம் வெளியிட்ட செய்திக் குறிப்பில் தெரிவிக்கப்பட்டுள்ளது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai