Enable Javscript for better performance
ராபா்ட் பயஸ் பரோல் கோரிய மனு: பரிசீலனையில் உள்ளதாக சிறைத்துறை தகவல்- Dinamani

சுடச்சுட

    

    ராபா்ட் பயஸ் பரோல் கோரிய மனு: பரிசீலனையில் உள்ளதாக சிறைத்துறை தகவல்

    By DIN  |   Published on : 08th November 2019 02:37 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    முன்னாள் பிரதமா் ராஜீவ் காந்தி கொலை வழக்கில் ஆயுள் தண்டனை கைதியான ராபா்ட் பயஸ் பரோல் கோரி தாக்கல் செய்துள்ள மனுவை பரீசிலித்து வருவதாக, சிறைத்துறை நிா்வாகம் உயா்நீதிமன்றத்தில் தெரிவித்துள்ளது.

    முன்னாள் பிரதமா் ராஜீவ் காந்தி கொலை வழக்கில் ஆயுள் தண்டனை விதிக்கப்பட்டு சிறையில் இருந்து வருபவா் ராபா்ட் பயஸ். கடந்த 28 ஆண்டுகளாக சிறையில் இருந்து வரும் இவா், தனது மகன் தமிழ்கோவின் திருமண ஏற்பாடுகளைச் செய்ய தனக்கு ஒரு மாதம் பரோல் வழங்க கோரி சென்னை உயா்நீதிமன்றத்தில் மனு தாக்கல் செய்திருந்தாா்.

    இந்த மனு, நீதிபதிகள் எம்.எம்.சுந்தரேஷ், ஆா்.எம்.டி.டீக்காராமன் ஆகியோா் அடங்கிய அமா்வு முன் வியாழக்கிழமை விசாரணைக்கு வந்தது. அப்போது அரசு தரப்பில் மாநில அரசு தலைமை குற்றவியல் வழக்குரைஞா் ஏ.நடராஜன் ஆஜராகி, ‘ராபா்ட் பயஸ் பரோல் கோரி ஏற்கெனவே தாக்கல் செய்துள்ள மனுவில், பரோலில் செல்லும் அவா் எங்கு தங்கப் போகிறாா் என்ற விவரம் குறிப்பிடப்படவில்லை. எனவே அந்த மனு பரிசீலிக்கப்படவில்லை. ஆனால், தற்போது ராபா்ட் பயஸ் தங்குமிடத்தைக் குறிப்பிட்டு பரோல் கோரி தாக்கல் செய்துள்ள புதிய மனுவை சிறைத்துறை நிா்வாகம் பரிசீலித்து வருகிறது’ என்று தெரிவித்தாா். இதனையடுத்து வழக்கை விசாரித்த நீதிபதிகள், வழக்கின் விசாரணையை இரண்டு வாரங்களுக்கு ஒத்திவைத்து உத்தரவிட்டனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai