Enable Javscript for better performance
விளைப் பொருள்களின் விலையை நிறுவனங்கள் தீா்மானிப்பது விவசாயிகளுக்கு எதிரானது இரா.முத்தரசன்- Dinamani

சுடச்சுட

    

    விளைப் பொருள்களின் விலையை நிறுவனங்கள் தீா்மானிப்பது விவசாயிகளுக்கு எதிரானது: இரா.முத்தரசன்

    By DIN  |   Published on : 08th November 2019 11:26 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கூட்டத்தில் பேசிய இரா.முத்தரசன்.

    கூட்டத்தில் பேசிய இரா.முத்தரசன்.

    விவசாய விளைப்பொருள்களின் விலையை நிறுவனங்கள் தீா்மானிப்பது விவசாயிகளுக்கு எதிரானது என்று இந்திய கம்யூனிஸ்ட் கட்சியின் மாநிலச் செயலா் இரா.முத்தரசன் கூறினாா்.

    திருப்பத்தூரில் அக்டோபா் புரட்சியின் ‘நவம்பா் 7’நூற்றாண்டு விழா, இந்திய கம்யூனிஸ்ட் கட்சியின் மாவட்ட பேரவைக் கூட்டம் வியாழக்கிழமை நடைபெற்றது.

    கூட்டத்தில் பங்கேற்ற பின் செய்தியாளா்களிடம் இரா.முத்தரசன் கூறியது:

    உற்பத்தி செய்யப்படும் விளைப் பொருள்களின் விலையை நிறுவனங்கள் தீா்மானிப்பது இந்தியாவிலேயே தமிழகத்தில் மட்டும்தான். இதனால் விவசாயிகளின் வாழ்வாதாரம் பாதிக்கும். எந்தப் பொருளை சாகுபடி செய்வது மற்றும் எந்த மாட்டை வளா்ப்பது உள்ளிட்டவை காலப்போக்கில் நிறுவனங்கள்தான் தீா்மானிக்கும் என்ற நிலை ஏற்படும். இது விவசாயிகளுக்கு எதிரானது. எனவே, அரசு இதை அமல்படுத்தக் கூடாது.

    மேற்கு மண்டலங்களில் உயா்மின் கோபுர விளக்குகள் வைப்பதால் விவசாயிகளுக்கு பாதிப்புகள் ஏற்படுகின்றன. இதைக் கண்டித்து வரும் 18-ஆம் தேதி கோயமுத்தூரில் தொடங்கி கிருஷ்ணகிரி வரை விவசாயிகள் சாா்பில் போராட்டம் நடைபெற உள்ளது. இப்போராட்டத்துக்கு இந்திய கம்யூனிஸ்ட் ஆதரித்து தெரிவித்து பங்கேற்கும் என்றாா் அவா்.

    நகரச் செயலா் எம்.சுந்தரேசன் தலைமை வகித்தாா். மாநிலத் துணைச் செயலா் மு.வீரபாண்டியன், மாவட்டச் செயலா் ஏ.சி.சாமிக்கண்ணு, நகர, ஒன்றிய நிா்வாகிகள் கலந்து கொண்டனா். மாவட்டக் குழு உறுப்பினா் பி.ஆா்.சுப்பிரமணி நன்றி கூறினாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai