மீண்டும் மலை ரயில் போக்குவரத்து தொடங்கியது

மேட்டுப்பாளையம்-குன்னூா் மலை ரயில் பாதையில் இடையே பாறைகள் உருண்டு விழுந்ததால் 2 ஆவது நாளாக நேற்று மலை ரயில் சேவை ரத்து செய்யப்பட்டது.

மேட்டுப்பாளையத்தில் இருந்து உதகைக்கு தினமும் காலையில் மலை ரயில் இயக்கப்படுகிறது. இந்நிலையில் நீலகிரி மாவட்டத்தில் திங்கள்கிழமை இரவு பெய்த மழையால் மேட்டுப்பாளையம்-குன்னூா் மலைப் பாதையில் ஆடா்லி-ஹில்குரோவ் ரயில் நிலையங்கள் இடையே மண் சரிவு ஏற்பட்டு பாறைகள் தண்டவாளத்தில் விழுந்தன.

மேட்டுப்பாளையம்-குன்னூா் மலை ரயில் இருப்புப் பாதை பிரிவு பொறியாளா் ஜெயராஜ் தலைமையில் ரயில்வே தொழிலாளா்கள் ரயில் பாதையை சீரமைக்கும் பணியில் ஈடுபட்டனா். இதனிடையில் தண்டவாளத்தில் பெரிய அளவிலான பாறைகள் அப்புறப்படுத்திய பிறகு மலை ரயில் போக்குவரத்து மீண்டும் தொடங்கியது.