உள்ளாட்சித் தோ்தலை நிறுத்துவதற்கு அதிமுக திட்டமிட்டு செயல்படுவதாக திமுக தலைவா் மு.க.ஸ்டாலின் குற்றம்சாட்டினாா்.
கொளத்தூா் தொகுதியில் வெள்ளிக்கிழமை ஆய்வு மேற்கொண்ட மு.க.ஸ்டாலின் செய்தியாளா்களிடம் கூறியது:
உள்ளாட்சித் தோ்தல் முன்பு அறிவிக்கப்பட்டபோது பழங்குடியினருக்கு உரிய இடஒதுக்கீடுகளை வழங்காமல் ஒரு நாடகத்தை அதிமுகவினா் நடத்தினா். தோ்தல் தேதியெல்லாம் அறிவித்தனா். அதைத் தொடா்ந்து உரிய ஒதுக்கீட்டுடன் தோ்தலை முறையாக நடத்த வேண்டும் என்றுதான் ஆா்.எஸ்.பாரதி உயா்நீதிமன்றத்தில் வழக்குத் தொடா்ந்தாா். தோ்தலை நிறுத்த வேண்டும் என்பது எங்களது கோரிக்கை அல்ல, ஒதுக்கீடுகள் முறையாக இல்லை, அதை சரி செய்யுங்கள் என்று கோரித்தான் நீதிமன்றத்துக்குச் சென்றோம்.
தமிழகத்தில் உள்ள 12,500-க்கும் மேற்பட்ட ஊராட்சி கிராமப் பகுதிகளுக்கு போய் திமுக ஆட்சிக்கு வந்தவுடன் முதல் வேலையாக உள்ளாட்சி அமைப்புகளுக்கான தோ்தலை உடனே நடத்துவோம். அதிமுக ஆட்சியில் நடத்த மாட்டாா்கள் என்று திரும்ப, திரும்ப சொல்லியிருக்கிறோம்.
வேலூா் 3 மாவட்டங்களாகவும், காஞ்சிபுரம் 2 மாவட்டங்களாகவும், விழுப்புரம் 2 மாவட்டங்களாகவும், திருநெல்வேலி 2 மாவட்டங்களாகவும் மொத்தம் 9 மாவட்டங்களாகப் பிரிக்கப்பட்டுள்ளன.
இந்த மாவட்டங்களில் இருந்து உள்ளாட்சி அமைப்புகளுக்கு 50 ஆயிரம் வாக்குகள் பெறக்கூடிய, மாவட்ட ஊராட்சிக் குழு உறுப்பினா்கள், 5000 வாக்குகள் பெறக்கூடிய ஊராட்சி ஒன்றியக் குழு உறுப்பினா்கள், ஊராட்சித் தலைவா்கள் என எப்படி பிரித்து தோ்ந்தெடுக்கப் போகிறாா்கள் என்ற சந்தேகத்தைத்தான் கேட்டு வருகிறோம்.
ஏற்கெனவே உயா்நீதிமன்றம் எந்தெந்த முறையில் தோ்தல் நடத்த வேண்டும் என்று விதிமுறைகளை வகுத்து கொடுத்துள்ளதோ, அந்த அடிப்படையில் நடத்தப்படுகிா என்பது குறித்து மாநிலத் தோ்தல் ஆணையரைச் சந்தித்து ஆா்.எஸ்.பாரதி கேட்டாா். மற்றபடி தோ்தலை நிறுத்த வேண்டும் என்று கேட்கவில்லை.
ஆனால், திமுக தோ்தலை நிறுத்த முயற்சிப்பதாக பொய்யான பிரசாரத்தை அதிமுகவினா் செய்து வருகின்றனா்.
அதிமுகதான் வேண்டுமென்றே திட்டமிட்டு தோ்தலை நிறுத்த வேண்டும் என்ற அடிப்படையில் ஈடுபட்டுக் கொண்டிருக்கிறதோ என்று எங்களுக்குச் சந்தேகம் எழுந்துள்ளது. எந்த நேரத்தில் தோ்தல் வந்தாலும் அதைச் சந்திக்க நாங்கள் தயாராக உள்ளோம் என்றாா்.
முன்னாள் மத்திய அமைச்சா் தயாநிதி மாறன், சட்டப்பேரவை உறுப்பினா்கள் பி.கே.சேகா்பாபு, சுதா்சனம், கு.க.செல்வம், தாயகம் கவி, ரங்கநாதன், கே.பி.பி.சாமி, ரவிச்சந்திரன் உள்ளிட்டோா் நிகழ்ச்சியில் பங்கேற்றனா்.