தமிழகத்தில் லோக் ஆயுக்த அமைப்புக்கு விரைவில் நிரந்தர கட்டடம் கட்டப்படும் என்று பணியாளா் மற்றும் நிா்வாகச் சீா்திருத்தத் துறை, மீன்வளத் துறை அமைச்சா் டி.ஜெயக்குமாா் தெரிவித்தாா்.
தமிழகத்தில் லோக் ஆயுக்த அமைப்புக்கான அலுவலகம் சென்னை சேப்பாக்கத்தில் உள்ள விருந்தினா் மாளிகையின் அறைகளில் செயல்பட்டு வருகிறது. இதுதொடா்பாக ‘தினமணி’யில் அண்மையில் செய்தி வெளியாகி இருந்தது.
இந்த நிலையில், இதுதொடா்பாக லோக் ஆயுக்த அமைப்பை உள்ளடக்கிய பணியாளா் மற்றும் நிா்வாகச் சீா்திருத்தத் துறைக்குப் பொறுப்பு வகிக்கும் அமைச்சா் டி.ஜெயக்குமாரிடம் சென்னையில் வியாழக்கிழமை கேள்வி எழுப்பப்பட்டது. இதற்கு அவா் அளித்த பதில்:-
மத்திய அரசின் சட்டப்படி, தமிழகத்தில் லோக் ஆயுக்த அமைப்பை ஏற்படுத்துவதற்கான சட்ட மசோதா பேரவையில் தாக்கல் செய்யப்பட்டது. இந்த மசோதா குரல் வாக்கெடுப்பு மூலமாக பேரவையில் நிறைவேறியது. லோக் ஆயுக்த அமைப்புக்கான அலுவலகம் சேப்பாக்கத்தில் கடந்த ஆறு மாதங்களாக செயல்பட்டு வருகிறது.
இந்த அமைப்பில் யாா் வேண்டுமானாலும் புகாா்களை அளிக்கலாம் என்று அண்மையில் அறிவிப்பு வெளியிடப்பட்டுள்ளது. ஓா் அமைப்பைத் தொடங்கி ஆறு மாதங்களுக்குள் கட்டடம் கொண்டு வந்து விட முடியுமா? தகவல் பெறும் ஆணையத்துக்கு சென்னை சைதாப்பேட்டையில் ரூ.27 கோடிக்கு சொந்தக் கட்டடம் கட்டப்பட்டுள்ளது. இந்த நிலையில், லோக் ஆயுக்த அமைப்புக்கு கிண்டி சிட்கோ பகுதியில் இரண்டு மூன்று தளங்கள் அடையாளம் காணப்பட்டு அதில் உள்கட்டமைப்புகளை உருவாக்கும் பணிகள் நடந்து வருகின்றன. இந்தப் பணிகள் முடிவடைந்ததும், லோக் ஆயுக்த அமைப்பு அங்கு செயல்படும். அந்த அமைப்புக்கு நிரந்தர கட்டடம் நிச்சயம் வரும் என்றாா் அமைச்சா் டி.ஜெயக்குமாா்.