மருத்துவமனையில் அனுமதிக்கப்பட்டுள்ள பாமக நிறுவனர் ராமதாஸை முதல்வர் எடப்பாடி பழனிசாமி நேரில் சந்தித்து இன்று நலம் விசாரித்தார்.
பாமக நிறுவனர் ராமதாஸ் சென்னை கிரிம்ஸ் சாலையில் உள்ள அப்போலோ மருத்துவமனையில் இன்று அனுமதிக்கப்பட்டார். தீவிர காய்ச்சல் மற்றும் முதுகு வலி காரணமாகவே மருத்துவமனையில் அனுமதிக்கப்பட்டுள்ளார் எனத் தகவல் வெளியாகி உள்ளது.
இந்நிலையில் மருத்துவமனையில் சிகிச்சைப் பெற்று வரும் ராமதாஸை, முதல்வர் எடப்பாடி பழனிசாமி, அமைச்சர் விஜயபாஸ்கர் ஆகியோர் இன்று நேரில் சென்று சந்தித்து நலம் விசாரித்தனர்.