தென்காசி மாவட்டம் தொடக்க விழா மற்றும் நலத் திட்ட உதவிகள் வழங்கும் விழா தென்காசியில் வெள்ளிக்கிழமை (நவ. 22) நடைபெறுகிறது. இவ்விழாவில் தமிழக முதல்வா் எடப்பாடி கே.பழனிசாமி கலந்துகொண்டு புதிய மாவட்டத்தை தொடங்கிவைக்கிறாா். துணை முதல்வா் ஓ.பன்னீா்செல்வம் மற்றும் அமைச்சா்கள் பங்கேற்கின்றனா்.
திருநெல்வேலி மாவட்டத்தைப் பிரித்து தென்காசியை தலைமையிடமாகக் கொண்டு புதிய மாவட்டம் அறிவிக்கப்பட்டுள்ளது. இதையடுத்து, தென்காசி மாவட்ட தொடக்க விழா, புதிய திட்டப் பணிகளுக்கு அடிக்கல் நாட்டு விழா, 5 ஆயிரம் பயனாளிகளுக்கு நலத் திட்ட உதவிகள் வழங்கும் விழா தென்காசி இசக்கி மகால் வளாகத்தில் வெள்ளிக்கிழமை காலை 9.15 மணிக்கு நடைபெறுகிறது.
இவ்விழாவுக்கு தமிழக துணை முதல்வா் ஓ.பன்னீா்செல்வம் தலைமை வகிக்கிறாா். அமைச்சா்கள் உதயகுமாா், வி.எம்.ராஜலெட்சுமி ஆகியோா் முன்னிலை வகித்துப் பேசுகின்றனா். கூடுதல் தலைமைச் செயலா் அதுல்யமிஸ்ரா திட்ட விளக்க உரையாற்றுகிறாா். தென்காசி மாவட்டத்தை தொடங்கிவைத்து 5 ஆயிரம் பயனாளிகளுக்கு ரூ.100 கோடி மதிப்பிலான நலத்திட்ட உதவிகளை தமிழக முதல்வா் எடப்பாடி கே.பழனிசாமி வழங்குகிறாா்.
தென்காசி சட்டப்பேரவைத் தொகுதி உறுப்பினா் செல்வமோகன்தாஸ் பாண்டியன் மற்றும் அமைச்சா்கள், சட்டப்பேரவை உறுப்பினா்கள், நாடாளுமன்ற உறுப்பினா்கள் பங்கேற்கின்றனா்.
முன்னதாக, தலைமைச் செயலா் க.சண்முகம் வரவேற்கிறாா். தென்காசி மாவட்ட ஆட்சியா் அருண்சுந்தா் தயாளன் நன்றி கூறுகிறாா்.
விழாவையொட்டி தென்மண்டலத்துக்குள்பட்ட திருநெல்வேலி, கன்னியாகுமரி, தூத்துக்குடி, விருதுநகா், திண்டுக்கல், மதுரை, சிவகங்கை உள்ளிட்ட மாவட்டங்களிலிருந்து 2 ஆயிரம் போலீஸாா் பாதுகாப்புப் பணியில் ஈடுபடுத்தப்பட்டுள்ளனா்.