Enable Javscript for better performance
நோயால் பாதிக்கப்பட்ட கோயில் யானை: சிகிச்சையளிக்க உயா்நீதிமன்றம் உத்தரவு- Dinamani

சுடச்சுட

    

    நோயால் பாதிக்கப்பட்ட கோயில் யானை: சிகிச்சையளிக்க உயா்நீதிமன்றம் உத்தரவு

    By DIN  |   Published on : 28th November 2019 08:25 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சென்னை: ஈரோடு மாவட்டம் பவானியில் உள்ள சங்கமேஸ்வரா் கோயில் யானைக்கு வன உயிா் காப்பாளளா், கால்நடை மருத்துவா் உரிய சிகிச்சையளிக்க வேண்டும் என உயா்நீதிமன்றம் உத்தரவிட்டுள்ளது.

    ஈரோடு மாவட்டம் பவானியில் உள்ள சங்கமேஸ்வரா் கோயில் பெண் யானை வேதநாயகி. இந்த யானை கடந்த 3 ஆண்டுகளாக நோயால் பாதிக்கப்பட்டுள்ளது. எனவே நோய்வாய்ப்பட்டுள்ள யானையை முதுமலையில் உள்ள யானைகள் முகாமுக்கு கொணடு சென்று, அதற்கு சிகிச்சையளிக்க தமிழக அரசுக்கு உத்தரவிடக் கோரி சென்னை உயா்நீதிமன்றத்தில் பொதுநல வழக்கு தொடரப்பட்டது.

    இந்த வழக்கு தலைமை நீதிபதி ஏ.பி.சாஹி, நீதிபதி சுப்பிரமணியம் பிரசாத் ஆகியோா் அடங்கிய அமா்வு முன் வியாழக்கிழமை விசாரணைக்கு வந்தது. வழக்கை விசாரித்த நீதிபதிகள், தமிழ்நாடு வளா்ப்பு விலங்குகள் பராமரிப்பு சட்ட விதிகளின்படி, வளா்ப்பு யானைகளை அதன் உரிமையாளா் முறையாக பராமரிப்பதோடு, ஆண்டுக்கு ஒருமுறை மருத்துவ பரிசோதனையும் செய்ய வேண்டும்.

    இந்த விதிகள் முறையாக பின்பற்றப்படுவதைக் கண்காணிக்க மாவட்ட அளவிலும், மாநில அளவிலும் குழுக்கள் உள்ளன. எனவே மனுதாரா் ஈரோடு மாவட்ட குழுவை அணுக வேண்டும். அந்த மாவட்டக் குழுவில் இடம்பெற்றுள்ள வன உயிரன காப்பாளா், கால்நடை மருத்துவா் ஆகியோா் நோயால் பாதிக்கப்பட்டுள்ள யானைக்கு உரிய சிகிச்சையளிக்க வேண்டும் என உத்தரவிட்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai