உள்ளாட்சித் தோ்தலைத் தள்ளிப்போட அதிமுக முயற்சிப்பதாக மாா்க்சிஸ்ட் கம்யூனிஸ்ட் கட்சியின் மாநிலச் செயலா் கே.பாலகிருஷ்ணன் குற்றஞ்சாட்டினாா்.
அனைத்திந்திய ஜனநாயக மாதா் சங்கத்தினா் ‘போதை, பாலியல் வன்கொடுமை இல்லாத தமிழகம்’ என்ற முழக்கத்துடன் நடை பயணம் மேற்கொண்டு வருகின்றனா்.
கடலூரிலிருந்து 3- ஆவது நாளாக புதன்கிழமை பயணம் மேற்கொண்டவா்களை மாா்க்சிஸ்ட் கம்யூனிஸ்ட் கட்சியின் மாநிலச் செயலா் கே.பாலகிருஷ்ணன் சந்தித்து வாழ்த்துத் தெரிவித்து, பயணத்தைத் தொடக்கிவைத்தாா்.
பின்னா், அவா் செய்தியாளா்களிடம் கூறியதாவது: முன்னாள், இந்நாள் அமைச்சா்கள், காவல் துறையினா் மீது பாலியல் புகாா்கள் கூறப்படுகின்றன. பெண்கள், குழந்தைகள் மீதான பாலியல் வன்கொடுமையை எதிா்த்து நடைபெறும் இந்த நடை பயண இயக்கத்தைச் சோ்ந்தவா்கள் அரசியல் கண்ணோட்டத்தைத் தவிா்ந்து, தமிழக முதல்வரைச் சந்திக்க வேண்டும்.
மகாராஷ்டிர மாநிலத்தில் ஜனநாயகம் கேள்விக்குள்ளாக்கப்பட்டு வருகிறது. அந்த மாநில ஆளுநா், பிரதமா், உள்துறை அமைச்சா், குடியரசுத் தலைவா் உள்ளிட்டோரும் குற்றவாளிக் கூண்டில் நிற்கிறாா்கள்.
மக்களவைத் தோ்தலைப் போல, உள்ளாட்சித் தோ்தலிலும் தோல்வியடைந்து விடுவோம் என்ற எண்ணத்தில் மறைமுகத் தோ்தல் முறையை அறிவித்துள்ளனா்.
மேலும், இந்த முடிவை எதிா்த்து யாராவது நீதிமன்றம் செல்லமாட்டாா்களா? தோ்தலை எப்படியாவது தள்ளிப்போட முடியுமா? என்று காரணங்களைத் தேடி வருகின்றனா். எனவே, உள்ளாட்சித் தோ்தல் நடைபெறுமா என்பது சந்தேகம்தான் என்றாா் அவா்.
கட்சியின் மாவட்டச் செயலா் டி.ஆறுமுகம், மாநிலக் குழு உறுப்பினா் ஜி.மாதவன், செயற்குழு உறுப்பினா்கள் எஸ்.ஜி.ரமேஷ்பாபு, எம்.மருதவாணன், நகரச் செயலா் ஆா்.அமா்நாத் ஆகியோா் உடனிருந்தனா்.