தொடா் விடுமுறை காரணமாக, தமிழ்நாடு மற்றும் புதுச்சேரியில் விரைவு, சாதாரண தபால்களை பட்டுவாடா செய்வதற்கு அக்டோபா் 7-ஆம் தேதி சிறப்பு ஏற்பாடு செய்யப்பட்டுள்ளது.
நிகழாண்டில் ஆயுதபூஜை வரும் 7-ஆம் தேதியும், விஜயதசமி 8-ஆம் தேதியும் கொண்டாடப்படுகிறது. இதை முன்னிட்டு, தமிழக அஞ்சல் துறையில் அக்டோபா் 6-ஆம் தேதி (ஞாயிற்றுக்கிழமை), அக்டோபா் 7-ஆம் தேதி
(திங்கள்கிழமை), அக்டோபா் 8-ஆம் தேதி (செவ்வாய்க்கிழமை ) ஆகிய 3 நாள்கள் தொடா் விடுமுறை அறிவிக்கப்பட்டுள்ளது. தொடா் விடுமுறை காரணமாக, தமிழ்நாடு மற்றும் புதுச்சேரியில் தலைமை அஞ்சலகங்கள் மற்றும் துணை அஞ்சலகங்கள் வாயிலாக விரைவு மற்றும் சாதாரண தபால்களை பட்டுவாடா செய்வதற்கு அக்டோபா் 7-ஆம் தேதி சிறப்பு ஏற்பாடுகளை தமிழக அஞ்சல் துறை செய்துள்ளது.
இந்தத் தகவல் தமிழக வட்டார அஞ்சல் சேவைகள் இயக்குநா் வெளியிட்டுள்ள செய்திக்குறிப்பு தெரிவிக்கப்பட்டுள்ளது.