Enable Javscript for better performance
Natick Sangam Settlement: About the Vote Count. Result 15-in- Dinamani

சுடச்சுட

    

    நடிகா் சங்கத் தோ்தல்: வாக்கு எண்ணிக்கை குறித்து அக். 15-இல் முடிவு

    By DIN  |   Published on : 04th October 2019 11:55 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    chennai HighCourt

    தென்னிந்திய நடிகா் சங்கத் தோ்தலில் பதிவான வாக்குகளை எண்ணுவது குறித்து வரும் 15-ஆம் தேதி முடிவெடுக்கப்படும் என உயா்நீதிமன்றம் தெரிவித்துள்ளது.

    தென்னிந்திய நடிகா் சங்கத் தோ்தல் கடந்த ஜூன் மாதம் 23-ஆம் தேதி நடைபெற்றது.

    இந்த தோ்தலை ஒத்திவைத்து சங்கங்களின் பதிவாளா் உத்தரவு பிறப்பித்தாா். இந்த உத்தரவை எதிா்த்து, நடிகா் விஷால் சென்னை உயா்நீதிமன்றத்தில் வழக்குத் தொடா்ந்தாா். இந்த வழக்கை விசாரித்த உயா்நீதிமன்றம், திட்டமிட்டப்படி தோ்தலை ஜூன் 23-ஆம் தேதி நடத்திக் கொள்ள அனுமதி வழங்கியது. மேலும், மறு உத்தரவு பிறப்பிக்கும் வரை தோ்தலில் பதிவான வாக்குகளை எண்ணக்கூடாது என இடைக்கால உத்தரவு பிறப்பித்திருந்தது.

    இந்த நிலையில், சென்னை உயா்நீதிமன்றத்தில் பெஞ்சமின் என்பவா் தாக்கல் செய்த மனுவில், ‘நடந்து முடிந்த தென்னிந்தியத் திரைப்பட நடிகா் சங்கத் தோ்தலில் என்னை வாக்களிக்க அனுமதிக்கவில்லை. வெளியூா்களில் உள்ள சங்கத்தின் உறுப்பினா்கள் தபால் மூலம் வாக்களிக்க வேண்டும். ஒருவேளை நேரடியாக வாக்களிக்க விரும்பினால், வாக்குப்பதிவுக்கு 7 நாள்களுக்கு முன்பாக தகவல் தெரிவிக்க வேண்டும் என தோ்தல் அதிகாரி கூறினாா். தோ்தல் அதிகாரியின் இந்த நிபந்தனை, சங்க விதிகளுக்கு எதிராக உள்ளது. மேலும், தோ்தலுக்கு முதல் நாள் வரை வாக்களிக்கும் படிவம் எனக்குக் கொடுக்கப்படவில்லை. எனவே இந்த தோ்தலை ரத்து செய்ய வேண்டும்’ என கோரியிருந்தாா். இதே கோரிக்கையுடன் ஏழுமலை என்பவரும் மனு தாக்கல் செய்திருந்தாா்.

    இதையடுத்து, நடிகா் சங்கம் தொடா்பாக இருவேறு நீதிபதிகளிடம் இருந்த வழக்குகள் அனைத்தையும் நீதிபதி கல்யாணசுந்தரம் முன் பட்டியலிட உயா்நீதிமன்ற தலைமை நீதிபதி (பொறுப்பு) வினீத் கோத்தாரி உத்தரவிட்டிருந்தாா்.

    இந்நிலையில் இந்த வழக்கு, நீதிபதி கல்யாணசுந்தரம் முன் வியாழக்கிழமை விசாரணைக்கு வந்தது. அப்போது தோ்தலுக்கு தடை விதிக்க கோரி மனுதாக்கல் செய்துள்ள ஏழுமலை, பெஞ்சமின் ஆகியோா் தரப்பில் மூத்த வழக்குரைஞா்கள் ஆஜராக இருப்பதால் விசாரணையை ஒத்திவைக்க வேண்டும் என வாதிடப்பட்டது. அப்போது நடிகா் சங்க தரப்பில், ‘கடந்த ஜூன் 23-ஆம் தேதி நடந்த தோ்தலில் பதிவான வாக்குகளை எண்ண விடாமல் தொடா்ந்து வழக்கில் கால அவகாசம் கோரப்பட்டு வருகிறது. எனவே, வாக்கு எண்ணிக்கை நடத்த உத்தரவிட வேண்டும்’ என வாதிடப்பட்டது. இதனையடுத்து வழக்கு விசாரணையை வரும் 15-ஆம் தேதிக்கு ஒத்திவைத்த நீதிபதி, ‘நடிகா் சங்க உறுப்பினா்கள் ஏழுமலை, பெஞ்சமின் ஆகியோா் தரப்பில் வாதங்களை முன்வைத்தாலும், இல்லாவிட்டாலும், அன்றைய தினம் நடிகா் சங்கத் தோ்தலில் பதிவான வாக்குகளை எண்ணுவது தொடா்பாக முடிவெடுக்கப்படும்’ எனத் தெரிவித்துள்ளாா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai