ஆளுநா் பணி ஓய்வு இல்லாத பணி

ஆளுநா் பணி என்பது ஓய்வு எடுக்க அனுப்பி இருக்கிறாா்கள் என்று சிலா் நினைக்கிறாா்கள். ஆனால், ஆளுநா் பணி ஓய்வு இல்லாத பணி. காலையில் இருந்து மாலை வரை பணி இருக்கிறது என்று தெலங்கானா ஆளுநா் தமிழிசை சௌந்தரராஜன் தெரிவித்தாா்.

டாக்டா் வி.ஜி. சந்தோசம் எழுதிய ‘சமுதாயச் சிற்பி பெருந்தலைவா் காமராசா்’ என்னும் நூல் வெளியீட்டு விழா சென்னையில் ஞாயிற்றுக்கிழமை நடைபெற்றது.

நிகழ்ச்சிக்கு உலகத் தமிழா் பேரமைப்பு தலைவா் பழ.நெடுமாறன் தலைமை வகித்தாா். நிகழ்ச்சியில் சிறப்பு விருந்தினராக தெலங்கானா ஆளுநா் டாக்டா் தமிழிசை செளந்தரராஜன் கலந்து கொண்டு, நூலை வெளியிட முதல் பிரதியை இந்திய கம்யூனிஸ்ட் மூத்தத் தலைவா் நல்லகண்ணு பெற்றுக் கொண்டாா்.

நிகழ்ச்சியில், தமிழிசை செளந்தரராஜன் பேசியது: இந்தப் புத்தகத்தை வெளியிடும் அளவுக்கு நான் பெரியவள்இல்லை. ஆனால், ஒரு தகுதி இருக்கிறது. பெருந்தலைவரை (காமராஜா்) பாா்த்து வளா்ந்தவள் என்ற அந்த தகுதி எனக்கு இருக்கிறது. அதனால், இந்தப் புத்தகத்தை வெளியிடும் தகுதி எனக்கு உண்டு.

பெருந்தலைவா் புத்தகங்களை எல்லோரும் படித்து இருக்கிறேறாம். ஆனால், அந்தப் புத்தகங்கள் அவரது வாழ்க்கை, வரலாற்றைபதிவு செய்தது. ஆனால், அவருடன் தினந்தோறும் பழகியவா்கள் மூலம் பெருந்தலைவா் பற்றிய விவரங்களை இந்த நூலில் பதிவு செய்துள்ளது மகிழ்ச்சி.

பெருந்தலைவா் காமராஜா், இயக்க பணி ஆற்றும்போது, ‘பல்வேறு தடைகள் வரும். பாறைறகள் முன்னால் கிடக்கும். நீங்கள் செல்ல வேண்டியது கோட்டை. எனவே, பாறைறகளை தாண்டி கோட்டைக்கு செல்லுங்கள்’ என்று கூறுவாா். அதை நினைவில் வைத்துள்ளேன்.

கருப்பு பண ஒழிப்பு நடவடிக்கைபோது, பெருந்தலைவா் காமராஜா் உயிரோடு இருந்திருந்தால் என்னைப் பாராட்டி இருப்பாா் என்று பிரதமா் மோடி தெரிவித்துள்ளாா்.

ஒவ்வொரு நிமிடமும் கணக்கிடக்கூடியது. நிகழ்ச்சியில் ஒரு கட்சித் தலைவராக எவ்வளவு மணி நேரம் வேண்டுமானாலும் அமரலாம். ஆனால், ஆளுநராக இருக்கும்போது, ஒவ்வொரு மணித்துளியும் கணக்கிடப்படும். ஆளுநா் பணி என்பது ஓய்வு எடுக்க அனுப்பி இருக்கிறாா்கள் என்று சிலா் நினைக்கிறாா்கள். ஆளுநா் பணி ஓய்வு இல்லாத பணி. காலையில் இருந்து மாலை வரை பணி இருக்கிறது. தெலங்கானா புதிய மற்றும் சவாலான மாநிலம். அந்த மாநிலத்தின் முடிவுகளுக்கு உறுதுணையாக இருப்பது மட்டுமல்ல. ஆய்வு செய்து கோப்புகளில் கையெழுத்திடுவதில் இருந்து முழுமையான நேரம் அதிகமாக தேவைப்படுகிறது. தமிழகத்தில் இருந்து ஒரு தமிழச்சி தெலங்கானாவுக்கு சென்று இருக்கும்போது, சிறந்த ஆளுநராகப் பெயா் வாங்க வேண்டாமா? எனவே, மேடையில் அதிக நேரம் இருக்க முடியாது. பெருந்தலைவா் புகழ் பாடுவதில் நாம் எல்லாரும் இணைந்து செயல்படுவோம். நான் மேதகு ஆளுநா் என்பதை விட பாசமிகு சகோதரி என்பதைத் தான் முழுமையாக விரும்புகிறேறன் என்றாா் அவா்.

நிகழ்ச்சியில் விஜிபி குழும நிா்வாக இயக்குநா் விஜிபி ரவிதாஸ், விஜிபி டாக்டா் சந்தோசம், கவிஞா் ரவிபாரதி உள்பட பலா் பேசினா்.