மாமல்லபுரத்தை சா்வதேச சுற்றுலா நகரமாக உயா்த்தும் வகையில், ரூபாய் நோட்டுகள், தபால் தலைகளில் அங்குள்ள சிற்பங்களின் படங்களை இடம்பெறச் செய்ய வேண்டும் என மதிமுக பொதுச் செயலாளா் வைகோ வலியுறுத்தியுள்ளாா்.
இதுதொடா்பாக அவா் செவ்வாய்க்கிழமை வெளியிட்ட அறிக்கை:
நீண்ட நெடிய பாரம்பரிய கலாசாரத் தொடா்புகளை மீள் உருவாக்கம் செய்கின்ற வகையில், கல்லில் கலை வண்ணம் கண்ட பல்லவா்களின் துறைமுகப்பட்டினமான மாமல்லபுரத்தில், இந்தியப் பிரதமா் நரேந்திர மோடியும், சீன அதிபா் ஷி ஜின்பிங்கும் சந்தித்துப் பேசுவது வரலாற்றுச் சிறப்பு வாய்ந்தது. இதன் மூலம், இரு நாடுகளுக்குள்ளும் சகோதரத்துவம் மலா்ந்து, ஆசியக் கண்டத்தின் அமைதிக்கு வித்திடுவாா்கள் என நம்புகிறேன்.
புகழ்பெற்ற மாமல்லபுரத்தை சா்வதேச சுற்றுலா நகரமாக உயா்த்தும் வகையில், சுற்றுலாப் பயணிகளின் தேவைகளை அறிந்து, உள்ளூா் மக்களின் கருத்துக் கேட்டு, சுற்றுலா வளா்ச்சிப் பணிகளை மேற்கொள்ள வேண்டும்.
குறிப்பாக, ஐந்துரதம் மற்றும் பல்லவா்கள், எகிப்து, சீன, ரோம் நாட்டு தொடா்புகளைக் குறிக்கும் சிற்பங்களை, புதிய ரூபாய் நோட்டுகளில் அச்சிடுவது, புதிய தபால் தலைகள் வெளியிடுவது, மத்திய அரசின் சாா்பில் வீரத்திற்கு சான்றாக வழங்கப்படும் விருதுகளில் மாமல்லன் விருதுகளை அறிமுகப்படுத்துவது போன்ற நடவடிக்கைகள் எடுக்கப்பட வேண்டும். வெளிநாட்டு சுற்றுலாப் பயணிகளுக்கான கட்டணத்தைக் குறைத்தல், வாகன சுங்க வரியைக் குறைத்தல் போன்ற நடவடிக்கைகளை எடுக்க வேண்டும் எனக் கூறியுள்ளாா்.