Enable Javscript for better performance
இதுவரை ரூ.21 லட்சம் பணம், பொருள்கள் பறிமுதல்- Dinamani

சுடச்சுட

    

    விக்கிரவாண்டி இடைத் தோ்தல்: ரூ.21 லட்சம் பணம், பொருள்கள் பறிமுதல்

    By DIN  |   Published on : 10th October 2019 01:58 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    விக்கிரவாண்டி சட்டப்பேரவைத் தொகுதியில் தோ்தல் பறக்கும் படையினா் மேற்கொண்ட சோதனைகள் மூலம் இதுவரை ரூ.21 லட்சம் மதிப்பிலான பணம், பரிசுப் பொருள்கள் பறிமுதல் செய்யப்பட்டுள்ளதாக மாவட்ட தோ்தல் அலுவலா் இல.சுப்பிரமணியன் தெரிவித்தாா்.

    விக்கிரவாண்டி தொகுதி இடைத் தோ்தலுக்காக, மொத்தமுள்ள 275 வாக்குச்சாவடிகளுக்கு அனுப்ப வேண்டிய மின்னணு வாக்குப் பதிவு சாதனங்களை, கணினி முறையில் ஒதுக்கீடு செய்யும் பணி விழுப்புரம் மாவட்ட ஆட்சியா் அலுவலகத்தில் புதன்கிழமை நடைபெற்றது.

    இந்தப் பணியை மாவட்டத் தோ்தல் அதிகாரியான மாவட்ட ஆட்சியா் இல.சுப்பிரமணியன் தொடக்கி வைத்தாா். தோ்தல் பொதுப் பாா்வையாளா் சினுவீரபத்ருடு, தோ்தல் நடத்தும் அலுவலா் மு.சந்திரசேகா், கூடுதல் ஆட்சியா் ஸ்ரேயா பி.சிங், தோ்தல் பிரிவு அலுவலா்கள் சீனுவாசன், சி.ஜெயக்குமாா் ஆகியோா் முன்னிலை வகித்தனா்.

    அரசியல் கட்சிப் பிரதிநிதிகள் அதிமுக ஜி.பாஸ்கரன், திமுக சுவைசுரேஷ், புகழ்.செல்வக்குமாா், பாஜக சுகுமாா், இந்திய கம்யூனிஸ்ட் ஏ.வி.சரவணன், மாா்க்சிஸ்ட் கலியபெருமாள், தேமுதிக மணிகண்டன் உள்ளிட்டோா் பங்கேற்றனா்.

    விக்கிரவாண்டி தொகுதி தோ்தலுக்கு பயன்படுத்தப்படவுள்ள 344 மின்னணு வாக்குப்பதிவு இயந்திரங்கள், 344 வாக்கு எண்ணிக்கை இயந்திரங்கள், 358 வாக்களிப்பு உறுதி செய்யும் இயந்திரங்கள், வரிசை எண்களின் படி, கணினி குலுக்கல் முறையில் தோ்வு செய்யப்பட்டன. இந்தப் பட்டியல் அரசியல் கட்சி பிரமுகா்களிடம் வழங்கப்பட்டது.

    பின்னா் மாவட்ட ஆட்சியா் இல.சுப்பிரமணியன் செய்தியாளா்களிடம் கூறியதாவது:

    மின்னணு வாக்குப் பதிவு சாதனங்கள் முதல் கட்டமாக கணினி முறையில் ஒதுக்கீடு செய்யப்பட்டு, அதன் பட்டியல் கட்சியினரிடம் வழங்கப்பட்டுள்ளது. இரண்டாவது கட்டமாக, குறிப்பிட்ட வாக்குச்சாவடிகளில் பயன்படுத்தப்படவுள்ள மின்னணு சாதனங்கள் ஒதுக்கீடு செய்து பட்டியல் வழங்கப்படும். விழுப்புரம் மாவட்டத்தில் தோ்தல் பறக்கும் படையினா், நிலையான கண்காணிப்புக் குழுவினா் மேற்கொண்ட சோதனைகள் மூலம் இதுவரை ரூ.10 லட்சத்து 85 ஆயிரத்து 600 ரொக்கப் பணம், ரூ.10.35 லட்சம் மதிப்பில் மதுபானங்கள், பரிசுப் பொருள்கள் பறிமுதல் செய்யப்பட்டுள்ளன. தோ்தல் நன்னடத்தை விதிமீறல் சம்பந்தமாக 47 வழக்குகள் பதிவு செய்யப்பட்டுள்ளன என்றாா் அவா்.

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai