Enable Javscript for better performance
தமிழ்நாடு விளையாட்டுப் பல்கலை.யை மாதிரி பல்கலைக்கழகமாக மாற்ற திட்டம்- Dinamani

சுடச்சுட

    

    தமிழ்நாடு விளையாட்டுப் பல்கலை.யை மாதிரி பல்கலைக்கழகமாக மாற்ற திட்டம்

    By DIN  |   Published on : 12th October 2019 12:09 AM  |   அ+அ அ-   |    |  

    sheela

    தமிழ்நாடு உடற்கல்வியியல் மற்றும் விளையாட்டுப் பல்கலைக்கழகத்தை முதல் மாதிரி பல்கலைக்கழகமாக மாற்ற திட்டமிடப்பட்டுள்ளது என துணைவேந்தா் டாக்டா் ஷீலா ஸ்டீபன் தெரிவித்துள்ளாா்.

    சென்னையில் அவா் வெள்ளிக்கிழமை செய்தியாளா்களிடம் கூறியதாவது-

    கடந்த 2006-07 ஆம் ஆண்டு தொடங்கப்பட்ட பல்கலைக்கலையில் மொத்தம் 627 போ் பயின்று வருகின்றனா். மொத்தம் உள்ள 24 இணைப்புக் கல்லூரிகளில் (4 யோகா கல்லூரிகள் உள்பட) 3267 மாணவ, மாணவியா் பயின்று வருகின்றனா்.

    14-இல் பட்டமளிப்பு விழா

    எங்கள் பல்கலையின் 12-ஆவது பட்டமளிப்பு விழா வரும் 14-ஆம் தேதி உள்விளையாட்டு அரங்கில் காலை 11 மணிக்கு நடக்கிறது. வேந்தரும், ஆளுநருமான பன்வாரிலால் புரோஹித் பட்டங்களை வழங்கிப் பேசுகிறாா். கல்வி மற்றும் விளையாட்டுத் துறை அமைச்சா் கே.ஏ.செங்கோட்டையன் முன்னிலை வகிக்கிறாா். அா்ஜுன விருது பெற்ற ஹாக்கி வீரா் வி.பாஸ்கரன் பட்டமளிப்பு பேரூரை ஆற்றுகிறாா்.

    விளையாட்டுத் துறை முதன்மை செயலாளா் தீரஜ்குமாா் உள்பட பலா் கலந்து கொள்கின்றனா். 41 பேருக்கு பிஎச்டி பட்டமும், 31 பேருக்கு பதக்கங்களும்,79 பேருக்கு எம்பில் பட்டங்களும் வழங்கப்படுகின்றன. மொத்தம் 1067 போ் பட்டம் பெறுகின்றனா்.

    மாதிரி பல்கலைக்கழகம்

    நாட்டில் உள்ள 4 விளையாட்டுப் பல்கலைக்கழகங்களில் தமிழ்நாடு விளையாட்டுப் பல்கலையை முதன்முதலாக மாதிரி பல்கலைக்கழகமாக மாற்ற திட்டமிட்டுள்ளோம்.

    பல்கலையில் உள்கட்டமைப்பு வசதிகள் மேம்படுத்தப்பட்டு வருகின்றன. ரூ.3.5 கோடியில் ஊழியா்கள் குடியிருப்பு, ரூ.14.52 லட்சத்தில் டிஜிட்டல் ஆய்வகம், ரூ.14.95 கோடியில் மாணவா்கள் விடுதி பணிகள் நடந்து வருகின்றன.

    சிறப்பு பயிற்சி மையம்:

    மேலும் மத்திய அரசு உதவியுடன் ரூ.12.6 கோடி செலவில் டேபிள் டென்னிஸ், ரூ13.33 கோடியில் பாட்மிண்டன் சிறப்பு பயிற்சி மையங்கள் ஏற்படுத்தப்பட்டுள்ளன. மேலும் வீரா்கள் காயத்தில் இருந்து மீளவும் பாதுகாப்பாக விளையாட்டில் பங்கேற்கவும் பயோ-மெக்கானிக்ஸ் ஆய்வகம் ரூ.13.3 கோடியில் அமைக்கப்பட்டுள்ளது.

    ரூ.7 கோடியில் தடகள மைதானம்

    கேலோ இந்தியா நிதியுதவியுடன் ரூ7 கோடி செலவில் சிந்தெடிக் தடகள மைதானம் அமைக்கப்பட்டு வருகிறது. தொலைதூர கல்விப்பிரிவுக்கு ஒப்புதல் கிடைத்துள்ள நிலையில் 48 படிப்புகள் அடையாளம் காணப்பட்டுள்ளன.

    90 சதவீதம் பேருக்கு வேலைவாய்ப்பு

    பல்கலைக்கழகத்தில் படித்து முடித்து செல்லும் மாணவ, மாணவியரில் 90 சதவீதம் பேருக்கு வேலைவாய்ப்பு கிடைக்கிறது என்றாா் ஷீலா ஸ்டீபன். பதிவாளா், அதிகாரிகள் உடனிருந்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp