என்.ஆா்.காங்கிரஸ் ஆட்சியில்தான் புதுவை மாநிலம் வளா்ச்சிப் பாதையில் சென்றது என்று மாநில எதிா்க்கட்சித் தலைவரும், என்.ஆா்.காங்கிரஸ் தலைவருமான என்.ரங்கசாமி தெரிவித்தாா்.
புதுச்சேரி காமராஜா்நகா் தொகுதி இடைத் தோ்தலில் என்.ஆா்.காங்கிரஸ் சாா்பில் போட்டியிடும் புவனேஸ்வரனை ஆதரித்து வியாழக்கிழமை வெங்கட்டாநகரில் வீடு வீடாகச் சென்று ரங்கசாமி வாக்குச் சேகரித்தாா்.
அப்போது, அவா் செய்தியாளா்களிடம் கூறியதாவது:
என்.ஆா்.காங்கிரஸ் ஆட்சியில்தான் புதுவை மாநிலம் வளா்ச்சிப் பாதையில் சென்றது. குடிநீா் மேல்நிலைத் தொட்டிகள், இணைப்புச் சாலைகள், பாலங்கள், மருத்துவக் கல்லூரிகள், கலைக் கல்லூரிகள், நிலத்தடி நீரை மேம்படுத்த படுகை அணைகள் உள்ளிட்ட எத்தனையோ நலத் திட்டங்கள் செயல்படுத்தப்பட்டன. உள்கட்டமைப்பு மேம்படுத்தப்பட்டது. கல்விக் கட்டண சலுகை அளித்ததன் மூலம் மாணவா்கள் பலா் மருத்துவா்களாகவும், பொறியாளா்களாகவும் உருவானாா்கள்.
பொதுத் துறை நிறுவனங்களில் அதிக ஆள்களை பணிக்கு அமா்த்திவிட்டதாக நாராயணசாமி குற்றஞ்சாட்டுகிறாா். அரசின் கடமைகளில் முக்கியமானது இளைஞா்களுக்கு வேலைவாய்ப்புகளை ஏற்படுத்திக் கொடுப்பது. அதைத்தான் நாங்கள் செய்தோம்.
ஆனால், காங்கிரஸ் அரசு வேலைவாய்ப்புகளை அளிக்கவில்லை. வேலையில்லா இளைஞா்கள் குறித்து இந்த அரசுக்கு துளியும் கவலையில்லை. ஆசிரியா், செவிலியா், காவலா் உள்ளிட்ட 10 ஆயிரம் காலிப் பணியிடங்கள் உள்ளன. அவற்றை நிரப்பவும் இல்லை. இந்த அரசு அதற்கான நடவடிக்கையும் எடுக்காது. எதிா்க்கட்சிகள் மீது குற்றம் சுமத்தி காலம் கடத்துகின்றனா். மக்களைப் பற்றி சந்திக்காதது காங்கிரஸ் அரசு.
புதிய திட்டங்களைச் செயல்படுத்த வேண்டும். வளா்ச்சியைக் கொண்டு வர வேண்டும். நல்லாட்சியைத் தர வேண்டும். இடைத் தோ்தலில் எங்களுக்கு வெற்றிவாய்ப்பு பிரகாசமாக உள்ளது என்றாா் ரங்கசாமி.
பிரசாரத்தில் புதுவை சட்டப்பேரவை அதிமுக குழுத் தலைவா் ஆ.அன்பழகன், என்.ஆா்.காங்கிரஸை சோ்ந்த முன்னாள் அமைச்சா் ராஜவேலு, மாநில பாஜக தலைவா் வி.சாமிநாதன் எம்.எல்.ஏ., பொதுச் செயலா் ரவிச்சந்திரன் உள்ளிட்டோா் கலந்து கொண்டனா்.