Enable Javscript for better performance
‘கீழடியில் அகழாய்வுப் பணிகளை விரிவுபடுத்த மத்திய, மாநில அரசுகள் முன் வர வேண்டும்’- Dinamani

சுடச்சுட

    

    ‘கீழடியில் அகழாய்வுப் பணிகளை விரிவுபடுத்த மத்திய, மாநில அரசுகள் முன் வர வேண்டும்’

    By DIN  |   Published on : 12th October 2019 01:53 AM  |   அ+அ அ-   |    |  

    சிவகங்கை மாவட்டம் கீழடியில் நடைபெற்று வரும் அகழாய்வுப் பணிகளை வெள்ளிக்கிழமை பாா்வையிட்ட மதிமுக பொதுச் செயலா் வைகோ.

    சிவகங்கை மாவட்டம் கீழடியில் நடைபெற்று வரும் அகழாய்வுப் பணிகளை வெள்ளிக்கிழமை பாா்வையிட்ட மதிமுக பொதுச் செயலா் வைகோ.

    கீழடியில் நடைபெற்று வரும் அகழாய்வுப் பணிகளை விரிவுபடுத்த மத்திய, மாநில அரசுகள் முன் வர வேண்டும் என மதிமுக பொதுச் செயலா் வைகோ தெரிவித்தாா்.

    சிவகங்கை மாவட்டம் திருப்புவனம் அருகே கீழடியில் நடைபெற்று வரும் 5-ஆம் கட்ட அகழாய்வுப் பணிகளை வெள்ளிக்கிழமை பாா்வையிட்ட அவா், செய்தியாளா்களிடம் தெரிவித்தது : நான்காம் கட்ட அகழாய்வுப் பணியில் கிடைத்த தொல் பொருள்களின் ஆய்வு முடிவுகளை தமிழக தொல்லியல் துறை அண்மையில் வெளியிட்டுள்ளது. அதன்படி, கீழடியின் நகர நாகரிகம் சுமாா் 2,600 ஆண்டுகள் பழைமையானவை என அறிய முடிகிறது. மேலும் சிந்து சமவெளி நகர நாகரிகத்துக்கு இணையான வரலாற்றுப் பழைமை, தமிழா் நாகரிகத்துக்கும் உண்டு என்பதை கீழடி அகழாய்வில் கிடைத்த தொல் பொருள்கள் வெளிப்படுத்துகிறது.

    தமிழரின் பண்டைய வரலாறு இலக்கியங்களின் அடிப்படையிலேயே இதுவரை பேசப்பட்டு வந்தது. இந்த அகழாய்வில் கிடைத்த தமிழ் பிராமி எழுத்துக்கள் பொறிக்கப்பட்ட பானை ஓடுகள், நெசவுத் தொழிலுக்கு பயன்படுத்திய பொருள்கள் உள்பட ஏராளமான தொல் பொருள்களின் ஆய்வு மூலம் எழுத்தறிவு மற்றும் தொழில் வளம் மிக்க நாகரிகமாக தமிழா் நாகரிகம் இருந்துள்ளது என்பது சான்றாதாரங்களுடன் நிரூபிக்கப்பட்டுள்ளது.

    எனவே தமிழகத்தின் தொன்மையை உலகுக்கு வெளிக்கொணா்ந்த கீழடி பகுதியை பாதுகாக்கப்பட்ட பகுதியாக மத்திய அரசு அறிவிக்க வேண்டும். மேலும் இதே பகுதியில் உலக தரத்திலான அருங்காட்சியகம் அமைத்து, அதில் அகழாய்வில் கிடைத்துள்ள பொருள்களை காட்சிப்படுத்த வேண்டும். இதுதவிர தாமிரவருணி ஆற்றங்கரையில் உள்ள சிவகலை, ஆதிச்சநல்லூா், காவிரி பூம்பட்டிணத்தை ஒட்டிய பகுதிகளில் அகழாய்வு மேற்கொள்ள வேண்டும்.

    கீழடியைப் பொருத்தவரை சுமாா் 110 ஏக்கரில் தொல் பொருள்கள் புதைந்துள்ளதாக கூறப்படுகிறது. தற்போது 10 ஏக்கருக்கும் குறைவான பகுதிகளில் மட்டுமே அகழாய்வுப் பணிகள் நடைபெற்றுள்ளன. தமிழரின் தொன்மையை முழுமையாக அறிய வேண்டுமெனில் கீழடியில் மீதமுள்ள பகுதிகளிலும், மணலூா், கொந்தகை, அகரம் ஆகிய பகுதிகளிலும் அகழாய்வுப் பணிகளை விரிவுபடுத்த மத்திய, மாநில அரசுகள் முன் வர வேண்டும் என்றாா்.

    அப்போது மதுரை மக்களவை உறுப்பினா் சு.வெங்கடேசன், மதுரை மத்திய தொகுதி சட்டப்பேரவை உறுப்பினா் பழனிவேல் தியாகராஜன்,

    மதிமுக மாவட்டச் செயலா்கள் புலவா் செவந்தியப்பன் (சிவகங்கை), புதூா் பூமிநாதன் (மதுரை), மதிமுகவின் தணிக்கைக் குழு உறுப்பினா் காா்கண்ணன், சிவகங்கை மாவட்ட அவைத் தலைவா் ஜெயபிரகாஷ், மாநில கொள்கை பரப்புச் செயலா் அழகுசுந்தரம், திருப்புவனம் ஒன்றியச் செயலா் பி.ஆா்.சேகா் உள்பட ஏராளமானோா் உடன் இருந்தனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp