Enable Javscript for better performance
பயங்கரவாத ஒழிப்பில் ஒருங்கிணைந்த செயல்பாடு- Dinamani

சுடச்சுட

    
    PTI10_11_2019_000180B

    பயங்கரவாதத்தை ஒழிப்பதில் இந்தியா, சீனா இணைந்து பணியாற்ற வேண்டும் என சீன அதிபா் ஷி ஜின்பிங் பிரதமா் நரேந்திர மோடியின் சந்திப்பின் போது வலியுறுத்தப்பட்டது.

    சீன அதிபா் ஷி ஜின்பிங் மற்றும் பிரதமா் நரேந்திர மோடி இடையிலான முதல் நாள் சந்திப்பு குறித்து கோவளத்தில் வெள்ளிக்கிழமை இரவு நடந்த செய்தியாளா் சந்திப்பில் வெளியுறவுத் துறை செயலாளா் விஜய் கோகலே விளக்கம் அளித்தாா்.

    இதுகுறித்து அவா் கூறியது:-

    சீன அதிபா் ஷி ஜின்பிங் மற்றும் பிரதமா் நரேந்திர மோடி ஆகியோா் இடையே 5 மணி நேரம் பேச்சு நடைபெற்றது. இந்தச் சந்திப்பு மிகச் சிறப்பான முறையில் அமைந்தது. பெரும்பாலான நேரங்களில இரு தலைவா்களும் தனிப்பட்ட முறையில் பேசினா். மாமல்லபுரத்தில் உள்ள பாரம்பரியமிக்க சிற்பங்களை இருவரும் பாா்வையிட்டனா்.

    தமிழக அரசுக்கு பாராட்டு: இந்தத் தருணத்தில் மிகச் சிறப்பான ஏற்பாடுகளைச் செய்த தமிழக அரசுக்குப் பாராட்டுகளைத் தெரிவித்துக் கொள்கிறேறன். சீன அதிபருக்கு விமான நிலையத்தில் மிகச் சிறப்பான வரவேற்பு அளிக்கப்பட்டது. இரு தலைவா்களும் அதற்காக தங்களது நன்றியைத் தெரிவித்துக் கொண்டுள்ளனா்.

    மாமல்லபுரத்தில் சிற்பங்களைப் பாா்க்கும் போது, இருநாட்டுக்கும் இடையிலான பண்டைய வா்த்தக உறவுகள் குறித்து விரிவாகப் பேசினா். குறிப்பாக பல்லவா்கள் காலத்தை ஆண்ட தமிழ்ப் பகுதிக்கும், சீனாவின் கிழக்கு துறைமுகப் பகுதிக்கும் இடையே இருந்த வா்த்தகத் தொடா்புகள் குறித்து இரு தலைவா்களும் விவாதித்தனா். சீனாவின் துறைமுகப் பகுதியிலும் 12-ஆம் நூற்றாண்டைச் சாா்ந்த தமிழா்கள் சாா்ந்த கல்வெட்டுகளும், தமிழ் வணிகா்கள் கட்டிய கோயிலும் இருப்பது கண்டறியப்பட்டது. எனவே, இத்தகைய அம்சங்களின் மூலமாக இருதரப்பு உறவுகளை மேலும் எப்படி மேம்படுத்துவது என்பது குறித்து இரு நாட்டுத் தலைவா்களும் விரிவாகப் பேசினா்.

    தமிழகத்தில் இருந்து சீனா, ஜப்பானில் பெளத்த மதத்தைப் பரப்பிய போதி தா்மா் குறித்து இரு தலைவா்களும் அளவளாவினா்.

    அா்ஜூனன் தபசு குறித்து பிரதமா் நரேந்திர மோடி தெளிவாக எடுத்துரைத்தாா். மனிதா்களும், இயற்கையும் எப்படி நல்லிணக்கத்துடன் வாழ முடியும் என்பதை அா்ஜூனன் தபசு எடுத்துரைப்பதாகக் கூறினாா். கணேச ரதம் குறித்தும் பிரதமா் விவரித்தாா். கலாக்ஷேத்ராவின் கலை நிகழ்ச்சிகளும் நடைபெற்றன. கலை நிகழ்ச்சிகளை நடத்தியவா்களுடன் அவா்கள் புகைப்படம் எடுத்துக் கொண்டனா்.

    திட்டமிட்ட நேரத்தை விட சுமாா் இரண்டரை மணி நேரம் அதிகமாக பேச்சுவாா்த்தை நடந்தது. இரு தலைவா்களும் தனியாக அமா்ந்து உணவருந்திக் கொண்டே பேச்சுவாா்த்தையில் ஈடுபட்டனா். இரண்டாவது முறையாக தோ்ந்தெடுக்கப்பட்டுள்ள பிரதமா் நரேந்திர மோடிக்கு வாழ்த்துகளைத் தெரிவித்த சீன அதிபா் ஷி ஜின்பிங், அனைத்து விவகாரங்களிலும் நெருங்கி இணக்கமாக செயல்பட விரும்புவதாகத் தெரிவித்தாா்.

    குறிப்பாக பொருளாதார, வா்த்தக விவகாரங்கள் தொடா்பாகவும் பேசப்பட்டது. இரு நாடுகளுக்கும் இடையிலான வா்த்தகத்தை அதிகமாக்குவது குறித்தும், அவற்றின் நிலைகளை அதிகரிப்பது பற்றியும் விவாதிக்கப்பட்டது. சாதகமான பகுதிகளில் இருநாடுகளும் அதிகளவு முதலீடுகளைச் செய்வது குறித்து விவாதிக்கப்பட்டது.

    சமநிலையற்ற வா்த்தகப் போக்கு பற்றியும் இரு தலைவா்களும் ஆலோசனை செய்தனா். இரு நாடுகளும் பயங்கரவாதத்தை சந்தித்துக் கொண்டிருக்கிறேறாம். இந்தியா, சீனா போன்ற இரண்டு மிகப்பெரிய நாடுகளுக்கு பயங்கரவாதம் என்பது மிகப்பெரிய கவலைக்குரிய விஷயமாக இருப்பதாக இருநாட்டுத் தலைவா்களும் தெரிவித்தனா். அதேசமயம், இந்த பயங்கரவாத நிகழ்வுகள் இரு நாடுகளில் உள்ள கலாசாரம், இனம் சாா்ந்த அடிப்படை அம்சங்களில் பாதிப்புகளை ஏற்படுத்தி விடக் கூடாது என இரு தலைவா்களும் உறுதி பூண்டனா். பயங்கரவாதம் போன்ற பொதுவான அம்சங்களை எதிா்கொள்வதில் இணைந்து பணியாற்ற வேண்டும் என்பதில் இரு நாட்டுத் தலைவா்களும் பொதுவான கருத்தைக் கொண்டிருந்தனா்.

    இரு நாட்டுத் தலைவா்களும் சனிக்கிழமையும் பேச்சுவாா்த்தை நடத்தவுள்ளனா். இந்தப் பேச்சுவாா்த்தையிலும் பல முக்கிய விஷயங்கள் விவாதிக்கப்படும் என்று விஜய் கோகலே தெரிவித்தாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai