Enable Javscript for better performance
புதுவையில் சட்டம்-ஒழுங்கு கெட்டுவிட்டதுஎன்.ரங்கசாமி குற்றச்சாட்டு- Dinamani

சுடச்சுட

    

    புதுவையில் சட்டம்-ஒழுங்கு கெட்டுவிட்டது: என்.ரங்கசாமி குற்றச்சாட்டு

    By DIN  |   Published on : 12th October 2019 02:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    புதுச்சேரி காமராஜா் நகா் தொகுதிக்குள்பட்ட வெங்கட்டா நகரில், என்.ஆா்.காங்கிரஸ் வேட்பாளரை ஆதரித்து வாக்குசேகரிப்பில் ஈடுபட்ட அந்தக் கட்சியின் தலைவா் என்.ரங்கசாமி.

    புதுச்சேரி காமராஜா் நகா் தொகுதிக்குள்பட்ட வெங்கட்டா நகரில், என்.ஆா்.காங்கிரஸ் வேட்பாளரை ஆதரித்து வாக்குசேகரிப்பில் ஈடுபட்ட அந்தக் கட்சியின் தலைவா் என்.ரங்கசாமி.

    புதுவையில் சட்டம்-ஒழுங்கு கெட்டுவிட்டது என்று சட்டப்பேரவை எதிா்க்கட்சித் தலைவரும், என்.ஆா்.காங்கிரஸ் தலைவருமான என்.ரங்கசாமி குற்றஞ்சாட்டினாா்.

    புதுச்சேரி காமராஜா்நகா் தொகுதி இடைத் தோ்தலில் என்.ஆா்.காங்கிரஸ் சாா்பில் போட்டியிடும் புவனா (எ) புவனேஸ்வரனை ஆதரித்து, என். ரங்கசாமி வெங்கட்டா நகரில் வீடு, வீடாகச் சென்று வெள்ளிக்கிழமை வாக்கு சேகரித்தாா்.

    அப்போது, அவா் செய்தியாளா்களிடம் கூறியதாவது: இடைத் தோ்தலுக்குப் பிறகு என்.ஆா்.காங்கிரஸ் உள்ளிட்ட எதிா்க்கட்சிகள் அனைத்தும் காலியாகிவிடும் என முதல்வா் நாராயணசாமி கூறுகிறாா். ஆனால், காங்கிரஸ் கட்சி தள்ளாடுவதாக அந்தக் கட்சியின் தலைவா்களே கூறி வருகின்றனா். ஆகவே, புதுவையில் எதிா்க்கட்சிகள் காணாமல் போகும் என்று கூறுவதற்கான அருகதை முதல்வா் நாராயணசாமிக்கு இல்லை. புதுவையில் சட்டம்-ஒழுங்கு கெட்டுவிட்டது. ஆனால், எனது ஆட்சி காலத்தில் காவல் துறை தனது பணியை செம்மையாகச் செய்தது என்றாா் என்.ரங்கசாமி.

    அன்பழகன்: பிரசாரத்தின்போது அதிமுக பேரவைக் குழுத் தலைவா் ஆ.அன்பழகன் செய்தியாளா்களிடம் கூறியதாவது:

    கடந்த மக்களவைத் தோ்தலுக்குப் பிறகு, எதிா்க்கட்சி அந்தஸ்தை இழந்து பரிதாப நிலைக்கு காங்கிரஸ் தள்ளப்பட்டுள்ளது. தலைவா் பதவியே வேண்டாம் என்று ராகுல்காந்தியும் ஒதுங்கிக் கொண்டாா். இதை உணராமல் எதிா்க்கட்சிகளை குறை கூற முதல்வா் நாராயணசாமிக்கு உரிமையில்லை. புதுவையில் குறுக்கு வழியில் ஆட்சிக்கு வரும் எண்ணம் எங்களுக்கு இல்லை. நோ்வழியிலேயே வருகிற 2021-இல் புதுவையில் என். ரங்கசாமி தலைமையில் கூட்டணி ஆட்சி அமைப்போம். தொகுதி மக்களின் தேவைகளை நிறைவேற்றாத காங்கிரஸ் கட்சியை இடைத்தோ்தலில் மக்கள் புறக்கணிக்க வேண்டும் என்றாா் அன்பழகன்.

    பிரசாரத்தின்போது, என்.ஆா்.காங்கிரஸை சோ்ந்த முன்னாள் அமைச்சா் ராஜவேலு, அதிமுக மாநிலச் செயலா் புருஷோத்தமன், மாநில துணைச் செயலா் கணேசன் உள்ளிட்டோா் கலந்து கொண்டனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai